LU agri-tourism trade fair, nakasentro iti potensyal ti turismo

February 4, 2017 Headlines

SIUDAD TI SAN FERNANDO – Ita a 2017, saan laeng produkto iti agrikultura ti ipakita dagiti local government units ti La Union no di ket dagiti agkakapintas a tourist attractions kadagiti masakupanda babaen ti Agricultural-Tourism Trade Fair.
Ti nakuna a trade fair ti maysa kadagiti kangrunaan nga aktibidad ti 167th foundation anniversary ti probinsia ti La Union.
“We will be highlighting the potentials of agriculture and the gains of tourism in municipalities and entice the public to participate in working for our vision for the province to be the heart of agri-tourism in the Northern Luzon by 2025,” kinuna ni Adamor Dagang, provincial information and tourism officer.
Innayonna pay, “We encourage the tourism officers to enjoin the participation of the local tourism-oriented establishments to take part in the conceptualization of the booths, so they too can promote their business.”
Manamnama manipud kadagiti LGUs nga isuda ti mangipakita kadagiti tourist destinations ken produktoda ken mangted kadagiti impormasyon babaen kadagiti nagduduma a booth. Masapulan dagitoy booths sadiay amianan a paset ti San Fernando City Plaza ken Christ the King College.
Manglukat ti tallo-dominggo a trade fair inton Pebrero 21.
Ti lokal a gobierno ti Bauang ti hall of famer kas Best Agri-Trade Booth kadagiti naglabas a tawen.
Ti selebrasyon ita a tawen ket addan ti tema a “Hearts beating as one for the love of La Union.”
Kabayatanna, kinuna ni Dagang nga awan ti maaramid nga grand electric float parade ita a tawen.
Pakaibilangan dagiti sabali pay nga aktibidad a paset ti foundation day ti LUVWI Walk for Love nga idauluan ti La Union Vibrant Women Inc.; Love your pet; a jobs fair; La Union Skills Olympics; Pammadayaw (Recognition) and Search for Mutia ti La Union (Miss La Union) inton March 2. JDS / PIA-La Union / ABN