MAIWARWARA A BASURA IDIAY BURNHAM PARK

November 30, 2024 Metro BLISTT

Pakaseknan dagiti maintenance workers, agkidkiddaw dagitoy iti kooperasyon ti publiko

BAGUIO CITY

Umap apela dagiti maintenance workers sadiay Burnham Park kadagiti residente iti Baguio City ken kadagiti turista a makitinnulongda iti panakamintinir ti kinadalus ti Burnham Park. Iti pannakiuman ti Bombo Radyo iti maysa a maintenance worker sadiay,kinunana nga umdas dagiti signages ken pagbasuraan a nakaimuntanar kadagiti nagduduma a paset ti nasao a parke ngem adu latta dagiti maiwarwara a basura.

Impettengna a nupay dagitoy iti nadutukan a mangmintinir iti kinadalos iti nasao a parke, kinunana a kasapulan latta ti kooperasyon dagiti pumaspasyar sadiay gapu ta saan metlaeng nga udmas ti bilang dagitoy nga agdalus. Innayonna a kadawyan kadagiti agiwarwara kadagiti basurada ket dagiti ag pic-picnic sadiay. Gapu iti dayta, maisingsingasing ti panagala dagiti picnic goers iti bukodda a garbage bag. Mainaig iti dayta, imbinglay metlaeng iti
maysa nga opisyal iti City Environment and Parks Management Office a saan a kabaelan iti resources iti Baguio City a mangbayad pay kadagiti kanayunan a maintainance worker nupay kayatda a mangnayon kadagitoy.

Bombo Genzel Depayso/Bombo Radyo-Bagui