MANNALON TI ILOCOS NAAWIS A MANGGUN-OD KADAGITI PROGRAMA TI DA ITI SIDONG TI AGRI REGISTRY

July 7, 2023 Headlines

REHIYON TI ILOCOS

Inawis ti Department of Agriculture – Ilocos Region dagiti mannalon nga ipalistada dagiti naganda iti Registry System for Basic Sectors in Agriculture (RSBSA) tapno makagun-odda kadagiti agduduma a programa ti agrikultura manipud iti gobierno. “Tapno masigurado a makaala kayo iti tulong manipud gobierno, masapul a nakarehistroka iti RSBSA,” kuna ni Doris Joy Garcia,
regional technical director for operations iti DA, baya titi panagsaona iti regional “Dagyaw” open government town hall meeting sadiay Provincial Farmers Livelihood Center ti Vigan City.

Dandani 1,000 a nakipaset ti timmabuno iti aktibidad no sadino nga iti panagregget ti gobierno a tulongan dagiti mannalon ken mangngalap a parang-ayenda iti produktibidadda para iti natalged nga taraon ken nutrision para iti Pilipinas iti napagsaritaan. Iti panagbitlana, insalaysay ni Garcia dagiti programa ken estratehia tapno mataming dagiti nadumaduma a pakaseknan ti agrikultura ken kinatalged iti taraon. Dagiti tulong ti gobierno ket kabilangan dagiti pautang iti agrikultura, seguro dagiti mula ken taraken, probision dagiti bin-i, abono, farm inputs, tulong a teknikal, soil analysis, ken panangted iti travel certificate para iti taraken ken manok ken dadduma pay.

Iti pondo a PhP39.2 million ita a tawen, iti DA ket adda iti proseso ti panag-update iti RSBSA daytoy tapno maikkan ti gobierno iti maysa a mapagtalkan a pammataudan ti datos ken inpormasion maipapan ti agri-fishery stakeholders, babaen iti farmers and fisherfolk registry system nga maaramat kas batayan iti pannakaipatungpal iti agduduma a programa ti DA, panangbukel ken panangtingiting kadagiti polisia. Paset iti programa ket karaman met iti panangprofile kadagiti kualipikado a mannalon ken mangngalap kasta met kas geo-referencing kadagiti parsel ti talon.

Puntiria ti DA a mairehistro dagiti 390,000 mannalon iti RSBSA. Agingga ita, iti DA Ilocos ket nakairehistron iti agdagup 384,136 a mannalon. Kaaduan kadagiti nagparehistro ket manipud
Pangasinan nga 169,771 mannalon, sinaruno iti Ilocos Sur nga 77,221 mannalon, Ilocos Norte nga addaan 75,731 mannalon, ken La Union nga addaan 61,374 mannalon. Iti RSBSA ket maysa nga
electronic a panagurnos kadagiti kangrunaan nga impormasion dagiti mannalon, ken dagiti trabahador ti talon nga adda iti produksion iti ayup ken mula tapno nalakada a makastrek kadagiti programa a mainaig iti agrikultura, serbisio ken dadduma pay nga interbensyon manipud iti gobierno.

Agingga ita, 3,097,459 mannalon iti nakarehistron iti RSBSA iti intero a pagilian manipud iti 7,779,891 a national target. Maipakita iti rekord ti DA nga iti Ilocos Region ti nganngani mapunnona iti lima a porsiento a bingayna iti national target. Segun iti DA, dagiti kualipikado nga agparehistro ket masapul a mangala ken iringpas iti RSBSA enrolment form a mabalin nga maala
manipud iti local Municipal Agriculture Office wenno iti DA – Regional Field Office, photocopy iti aniaman a valid government identification card, pammaneknek iti panagtagikua iti daga, ken pammaneknek iti katulagan para kadagiti agpapaabang. Dagiti ladawan, biometrics, ken pirma iti mannalon ket maalal apaman iti panagrehistro. Kalpasanna, makaawat dagiti nagparehistro iti maysa a stub nga addaan iti numero ti RSBSA kas pammaneknek iti panagrehistro.

(LA-PNA Ilocos/PMCJr.-ABN)