MANNURSURO TI LU IMPADAMAGDA TI NALAKLAKA A TRABAHODA ITI SIDONG TI MATATAG CURRICULUM

MALASIQUI, Pangasinan

Impadamag dagiti manursuro manipud Rehion ti Ilocos a napili a mangsubok iti MATATAG curriculum ti ad-adda a produktibo a panawen ti panangisuro. Imbaga ni Department of Education (DepEd) Ilocos Region Director Dr. Tolentino Aquino nga agarup 16,000 manursuro ti rehion iti nasanay para iti panangsubok ti kurikulum ti Kindergarten, Grade 1, 4 ken 7 idi napalabas a tawen. Sinubok ti DepEd iti kurikulum kadagiti 35 eskuelaan iti intero a pagilian – lima a pagadalan ti tunggal maysa iti pito a rehion, para iti tawen ti panageskuela 2023-2024.

Para iti Rehion ti Ilocos, dagiti eskuelaan a napili idi napan a tawen ti panageskuela ket manipud kadagiti ili ti
Bangar, Bauang, Caba, Sto. Tomas, ken Tubao ti probinsia ti La Union. “Pinaneknekan dagiti manursuro a bimmassit ti trabahoda ken ad-addu ti tiempoda a mangisuro, isu a ti kinalaingda nga agisuro,” kinuna ni Aquino.
Para ti agdama a tawen ti panageskuela, imbaga ni Aquino a lima pay a pagadalan ti La Union iti napili para ti pangsubokan para kadagiti Grade 2, 3, 5 ken 8.

Dagitoy ket iti Cabaruan Integrated School, Caba Central Elementary School, Acao Elementary School, Casacristo
National High School, ken Don Rufino Olarte Memorial National High School. Panggep ti MATATAG curriculum a kissayan dagiti asignatura ngem naipamaysa kadagiti kangrunaan nga abilidad a kas iti panagbasa, panagbilang, ken paglaingan iti biag.

Addaan daytoy iti uppat nga adigi nga isu ti panangpasayaat ti kurikulum tapno mangpataud kadagiti makbael, nakasagana iti trabaho, aktibo, ken responsible nga umili; panagaramid kadagiti addang tapno mapapartak ti pannakaipaay dagiti kangrunaan a pasilidad ken serbisio ti edukasion; panangaywan kaadagiti agad-adal babaen ti
panangitandudo iti pagimbagan dagiti agad-adal, ti saan a panangidumduma nga edukasion, ken positibo nga
aglawlaw ti panagsursuro; ken panangsuporta kadagiti mannursuro tapno nasaysayaat ti panangisuroda.

Imbaga ni Aquino nga iti panangkissay ti kurikulum ket suportado dagiti eksperto ti edukasion, argaman dagidiay
naggapu sabali a pagilian. Iti panangdakamatna iti imbaga kadakuada dagiti edukador, innayon ni Aquino a kuna dagiti mangisursuro a kanayon nga agdardarasda iti sidong ti agdama a kurikulum ti K-12, ken awan umdas a
panawenda a mangaramid iti amin a trabahoda.

(HA-PNA Ilocos/PMCJr.-ABN)

Amianan Balita Ngayon