Mass surrender ti NPA supporters sadiay Central Luzon impadamag ti Army

November 18, 2019 Provincial

SIUDAD TI SAN FERNANDO – Impadamag ti Philippine Army iti adu nga panagsuko ti 77 nga tagasuporta ti New People’s Army (NPA) sadiay probinsia ti Nueva Ecija ken Aurora idi Miyerkoles.
Daytoy ket impadamag da Secretary Hermogenes C. Esperon Jr., National Security Adviser ken Cabinet Officer for Regional Development and Security (CORDS) para iti Rehion 1, kaduana ni Major General Lenard T. Agustin, commander ti &th Infantry Division (7ID) kabayatan ti 3rd executive meeting ti Joint Regional Task Force to End Local Communist Armed Conflict (RTF1-ELCAC) nga napasamak sadiay Diego Silang Hall, Provincial Capitol, San Fernando City, La Union idi Nobiembre 7.
“Pagpannakkelko nga ipadamag iti umad-adu nga panagsuko dagiti rebelde nga NPA ken supporters iti Rehion 3,” kuna ni Esperon.
“Namnamaenmi nga adadu pay ti sumuko idiay Rehion 1 ken 3 gapu ta itultuloymi nga maipatungpal dagiti programa para ti whole-of-nation approach to end the local communist armed conflict (ELCAC),” innayonna. Iti sabali a bangir, kinuna ni Agustin nga iti mass surrender dagiti rebelde nga NPA ken supportersda sadiay Nueva Ecija ken Aurora ket maikonsidera nga kadakkelan nga aramid ti unitda iti maysa nga aldaw manipud nangrugiiti kampania ti ELCAC.
Iti agarup 5:00 a.m. idi Mierkoles, agdagup 53 tagasuporta ti rebelde manipud Sitio Lising ken Padayan, Barangay Capintalan, ken Sito Malihdi ti Barangay Minuli, pareho nga ili ti Carranglan, Nueva Ecija iti simmuko kadagiti soldado nga kameng iti 84th Infantry Battalion ti Army.
Kalpasan ti walo nga oras, kuna ni Agsutin nga 24 pay a miembro iti Milisyang Bayan ken dadduma pay a mass base supporters dagiti rebelde ti simmuko kadagiti operatiba ti 91st Infantry Battalion ken 3rd Civil-Military Operations Company iti Army sadiay Barangay Dimanayat, San Luis, Aurora.
Naaramid iti nasao nga panagsuko gapu iti tulong dagiti opisyal ti barangay kalpasan iti naballigi nga negosasion ti army. Makuna nga miembro dagiti simmuko iti :Sangay ng Partido sa Localidad” ken “Yunit Milisyang Bayan,” dagitoy ti mass base units dagiti supporters ti NPA kadagiti ili.
“Agtitinnulong iti army ken sabali nga ahensia ti gobierno tapno allukoyen dagiti miembro ti NPA ken taga suportada nag agsubli iti sidong ti linteg,” kuna ni Agustin. Kabayatanna, dinayaw ni Secretary Esperon dagiti trabaho ti army ken sabali nga ahensia ti gobierno iti naballigi nga negosasion nga nangallukoy kadagiti tagasuporta ti NPA nga sumuko.
Kinuna ni Esperon nga iti balligi ti panangallukoy kadagiti rebelde na NPA tapno sumuko iti gobierno ket maysa a bunga ti agresibo nga panakaipatungpal kadagiti programa nga ELCAC ni Presidente Rodrigo Duterte.
 
FGL-PIA1/PMCJr.-ABN