MAYOR IMBILINNA ITI NAPAREGTA NGA OPERASYON KONTRA ILLEGAL GAMBLING

October 29, 2022 Headlines

SIUDAD TI BAGUIO (Oktubre 28, 2022)- Binilinan ni Mayor Benjamin B. Magalong iti Baguio City Police Office (BCPO) nga paregtaenda iti kampania kontra iti iligal a panagsugal kalpasan a makaawat daytoy iti
sumagmamano a report iti maipagarup nga operasion dagiti iligal a panagsugal iti dadduma a barangay.

Imbaga iti mayor a makaawawat daytoy kadagiti report iti operasion dagiti iligal a panagsugal kangrunaan sadiay Otek St., Kayang St., Magsaysay Avenue ken Legarda Road. Impadamag ni BCPO operations chief Lt. Col. Domingo Gambican bayat iti third quarter meeting iti City Peace and Order Council (CPOC) a naangay iti nabiit pay a nangikonduktada iti siam nga operasion idi Agosto ken Setiembre ita a tawen a
nakaigapuanan iti pannakaaresto iti 29 a tattao a karaman iti iligal a panagsugal.

Iti report ni Gambican, nakompiskarda iti dagup PhP9,418 manipud iti inkoduktada a siam nga operasion iti iligal a panagsugal. Iti iligal a panagsugal ket karaman iti non-index crimes a mapalpaliiw iti siudad. Para iti maikatlo a kakapat iti tawen, addaan iti 151 nonindex crimes iti nairekord ti BCPO nga 17.86 porsiento a
nangatngato nu maikompara iti 148 insidente a nairekord para iti dayta met laeng a periodo idi napan a tawen.

Maibasar iti report ti BCPO, iti kasaknapan a nonindex crimes manipud Hulio agingga Setiembre ita a tawen ket krimen a mainaig iti illegal drugs, violence against women and children, unjust vexation, swindling ken child abuse, sigun iti panagsasarunoda. Impalawag ni Gambican nga iti non-index crimes iti
pagsasao a policia ket dagiti addaan nairugi a tignay iti mangipapaalagad iti linteg isu nga nu ad-adu iti oprerasion ti policia, nangatngato iti estadistika a maipakita.

Ni Magalong iti bitlana kalpasan nga agsapata daytoy para iti umuna a terminona a kas mayor idi 2019 ket imbilinna nga amin nga aktibidad iti iligal panagsugal iti siudad ket agpatinggan nga ag-operate nga addaan bilinna iti policia para iti awan panangpanuynoy (zero tolerance) kadagiti aktibidad iti iligal a panagsugal.

JMPS-ABN