Mayor ti ilocos intampok na kontra insurhensia

December 19, 2020 Headlines

SUYO, Ilocos Sur – Bayat iti Laging Handa Net work Briefing nga naipangatang idi Martes, Disiembre 15, intampok ni Mayor Mario B. Subagan iti pamusmusan kontra insurhensia ti ilida, ti panagkadua iti provincial task force to end local communist armed conflict PTF-ELCAC), tapno agpatingga ti insurhensia iti munisipalidadda nangruna idiay Sitio Kimpatubbog, Barangay Poblacion.
Sigun ti 81st Infantry (SPARTAN) Battalion, 702nd Infantry (DEFENDER) Brigade, 7th Infantry (KAUGNAY) Division ti Philippine Army, 20 nga umili ti Sitio Kimpatubbog ti naallilaw ti CPP-NPA nga agbalin a miembro ti maysa nga Underground Mass Organization (UGMO) ken limmabanda iti gobierno. Babaen iti panakaiwaras iti Community Support Program (CSP) teams ti Philippine Army idi Agosto 19 iti napalabas a tawen nga kalpasanna ket nagbalin a Retooled CSP idi Oktubre 8 daytoy a tawen, dagiti nasao a miembro ti UGMO ket imbabawida iti suportada iti CPP-NPA, isu nga, naiproklamarda a kas persona non grata iti barangayda.
Manipud idi, kinuna ni Mayor Subagan nga nadumaduma a tulong iti naipaay kadagiti umili kas paset iti pinabileg a panakaipatungpal ti Executive Order No. 70 ni Presidente Rodrigo Duterte. Iti Department of Trade and Industry, iti sidong ti Pangkabuhayan sa Pagbangon AT Ginhawa ken Negosyo Serbisyo sa Barangay-Livelihood Seeding Program ket nangkondukta ti skills training iti Camote Processing ken livelihood kits kadagiti 20 Camote processors/growers manipud uppat a barangay ditoy; nangkondukta met ti Technical Education and Skills Development Authority iti skills training iti Electrical Installation and Maintenance NCII kadagiti 15 residente iti nasao a Sitio; ti Department of Agriculture ket nangiwaras iti nasurok a 400 nadumaduma a bukbukel ti nateng iti komunidad; nangited iti Department of Social Welfare and Development ti tulong pinansial, food packs ken hygiene kits; impatungpal ti Department of Labor and Employment iti Emergency Employment Program wenno Tulong anghanapbuhay sa Ating Disadvantaged/Displaced Workers (TUPAD) kadagiti 27 umili nga nakaawat iti PhP3,400.00 tunggal maysa; nangipaay met iti 81st IB of the Philippine Army kadua dagiti Non-Government Organizations – SYGLAT Training Center ken Lions Club-Candon City Chapter, iti Noche Buena packages ken tsinelas; kasta met dagiti empleado ti Municipal Health iti Suyo ket nangited iti nagduduma a serbisio kas iti libre a medical consultations ken medisina.
“Ang mga tulong na ito ay simbolo na patuloy ang trabaho ng gobyerno sa pamamagitan ng ating LGU at ng mga iba’t-ibang ahensiya para magbigay tulong sa inyo kaya sana iisa ang ating paniniwala upang ang ating bayan ay mas umasenso pa,” kuna ni Mayor Subagan bayat iti Serbisyo Caravan nga indanguluan dagiti member-agencies ti PTF-ELCAC idi Disiembre 2.
Maysa pay, impasigurado ni Mayor Subagan iti napartak a pannakaaramid ti 5.5-kilometro a farm-to-market road nga mangsilpo kadagiti nadumaduma a sitio ken barangay, nangnangruna iti Kimpatubbog-Bito-Lubnac Farm-to-Market Road, tapno naparpartak a panaggaraw ken nalaklaka a panakaibiahe ti produkto ti agrikultura ken mapabassit dagiti peggad a laklakamen dagiti umili ken mapabiit iti oras ti panagbiahe nangruna iti kaskaso ti emergencies.
“Naibigay na namin ‘yung mga resolusyon namin doon sa Task Force ELCAC upang marealize itong request na ito dahil ito ay nasa critical boundaries ng ating bayan Sta. Cruz at Sigay. Kung ma-realize ito, mare-resolba natin ‘yung ating problema sa insurhensya,” kuna ni Mayor Subagan iti pagsasao a Tagalog.
“Ito po ‘yung isang nakita namin na pangangailangan ng mga kababayan namin para hindi na sila ma-engganyo ng ating mga kalaban sa insurhensiya,” innayonna. Kasta met indagadagna kadagiti iturayanna iti suporta kadagiti programa ti gobierno kangrunaan iti panakagun-od iti talna ken urnos iti komunidad.
“Bago kayo maniwala sa kanila, sana, sabihin niyo muna sa amin ang problema. Laging nakasuporta ang LGU sa inyo at sana’y salubungin at suportahan natin ang mga programa ng gobyerno upang mapanatili natin ang peace and order sa ating bayan,” kunana.
JMQ-PIA IS/PMCJr.-ABN