MAYSA A DUMP TRUCK, NATUMBA SADIAY ATOK, BENGUET, DRIVER ADDAN ITI NATALGED A KASASAAD.

Natumba ti maysa a dump truck itay 6:05 ti agsapa sadiay Km. 44, Balangabang, Abiang, Atok, Benguet. Nabigbig ti driver ti truck a ni Mr. Clifton Simeon Manman, 36 y/o, baro ken residente ti Poblacion, Central, Buguias, Benguet Maibasar iti report, naglaon iti darat ti nasao a truck a nagtaod sadiay La Trinidad, Benguet paturung Buguias, Benguet.
Nupay kasta, kabayatan iti panagdalyasat daytoy iti nasao a lugar ket naaddaan iti mechanical defect (damage propeller) a nagresulta iti saan a pannakakontrol ti driver iti lugan agingga nagatrass ken naidungpar iti road barrier a nangitunda iti pannakatumba daytoy.
Naiturung iti pagagasan ti driver para dagus a pannakaipaay iti medical assistance gapu iti minor injuries a napasaranna ngem dagus metlaeng daytoy a nakaruwar Photo by PROCOR

Amianan Balita Ngayon