Milyonaryo ak koman!

Apow, Friday pay laeng adun ti agsagsagana para iti laban ni Pambansang Kamao iti laban na inton Sabado iti rabii idiay Las Vegas ngem Domingo ditoy

Pilipinas. Ammo yo kadi, idolok la unay ni Senator Manny Paquiao, saan laeng a gapu iti kina-laing na iti benneg ti boksing ngem ketdi maysa koma a paguadan. Imbes ketdi nga aramiden tayo nga inspirasion, adu ti manglais kenkuana nangruna kadagiti dadduma a kakadua na idiay senado.

Ania kanu pay ti maaramidan wenno aramiden ti maysa laeng nga agkomkomboy idi iti markado publiko iti lugar da? Kas iti nakunak, idolok iti adu a banag. Napakumbaba ken saan a nagbalin a napagpannakkel nga uray no nalataken iti entero a lubong iti tay-ak ti sports wenno ay-ayam iti benneg ti boksing.

Rimmang-ay ti biag na a ling-et, dara ken biag na ti impusta na tapno laeng maragpat na ti arapaap na ken maipaayan na iti naraniag a masakbayan ti binangon na a pamilia ken nangyaon kadakuada iti rigat. Kaunaan ni ditay agbiddut a boksingero nga a tsampion iti walo a division iti boksing.

Kaunaan a senador wenno pulitiko a tsampion iti boksing iti entero a lubong ngem para kadagiti kalaban na iti pulitika, no kondinaren da, awan kanu’t karbengan na ken kabaelan na a sumrek iti pulitika.

Kuna da nga awan ammo na. Wen, mamati ak iti dayta gapu ngarud iti kinababa ti adal na a kuna da. Awan ammo na, saan na nga ammo ti agkurakot, saan ketdi a kas kadagiti dadduma a de adal ken nangato ti nagadalan na ken nalalaing ta uray panagkurakot ket nalaing da.

Pak pak pak. Naala da manen ngem puera delos Buenos a kuna da ken batubatu sa langit ang tamaan ay huwag magagalit kunam Kayong Angkuan. Saan kaniak. Ang tamaan, dayta bukol! hahaha

Sublian tayo. Uray kunam a good for one minute a kuna da ti carabao English na, addayo a mas dayawek ngem kadagiti agkakalaing a kakadua na. Apay kunayo? Kas iti nakunak, saan da a maaramid ti naaramidan na. Segun iti intay panagsukisok, kaya na nga idonar ti masya a hospital para kadagiti kailian na manipud iti bukod na a bulsa.

Wen a ta baknang ngarud kunayo. Seguro, wen, pudno, baknang. Nagtaudan ti kinabaknang na? Naggapu iti ling-et ken dara na, nagrigatan na, impusta na ti bukod na a biag. Isu nagpuonan na. Saan ketdi a nagtakaw iti iti lakasa ti ili.

Adda kadi napuotan yon a nakaaramid iti kasta kadagiti kakadua na iti senado ken uray idi adda pay laeng it balay ti kongreso iti maysa pay laeng a diputado? Ania ngarud ti mas idolo ken raemen tayo ita, ti kas ken Pacquiao wenno dagiti kakadua na nga honorable a di met honorable?

Gibusan tayo man daytoy a kolum tayo iti intay koma panangikararag iti Dios a tarabayen na ti Pambsang Kamao tayo ta dayaw ti sibibukel a Pilipinas ti panangyawid na manen iti korona iti panaglanban da iti maysa a boksingero nga awan pay abak na ken nagkuna a paturogen na iti lona ni Pacquiao iti maikadua a rikus.

Iti benneg tayo, agpada da nga adda glab na, narigat ti agpangpangas ta amangan no mabaliktad ti paspasamak. Tay kunada ngarud, tay kanu aso a taul a taul, saan a maka-kagat ta malisiam ngem tay saan nga agtataul a no nakatallikud ka, bigla naka a sinikbab. Husto met laeng ti kinunak, Ama Akkos.

Sirmata ken Tagtagainep ni Mang Gusting

Amianan Balita Ngayon