Naawanan trabaho iti sektor ti turismo iti Region 1 nakaawat iti tulong pinansial

April 25, 2021 Headlines

SIUDAD TI SAN FERNANDO, La Union – Agadup 40,076 nga trabahador nga naawanan trabaho manipud iti sektor ti Rehion 1 iti nakaawat ti PhP5,000 tunggal maysa kas tulong pinansial babaen ti Department of Labor and Employment (DOLE) iti pannakitinnulong iti Department of Tourism (DOT).
Kinuna ni Ilocos Region Tourism Director Joseph Francisco Ortega nga agingga Abril 14, nakaiteden ti DOLE Region 1 iti PhP200.38 milion para kadagiti trabahador ti sektor ti turismo. Iti gatad ket naited kadagiti payment centers nga sadino nga mabalin a maala dagiti trabahador iti lugarda. Kinunana nga iti tulong pinansial ket paset iti coronavirus disease 2019 (Covid-19) Adjustment Measures Program (CAMP) iti DOLE para ti tourism sector iti sidong ti Bayanihan to Recover as One Act, wenno Bayanihan 2.
Iti programa a CAMP ket maysa a maminsan a PhP5,000 tulong pinansial nga ited ti gobierno para kadagiti naapektaran a trabahador iti pribado nga establisimiento. Nangilatang iti gobierno iti PhP3.1 bilion a pondo para kadagiti trabahador iti sektor ti turismo a naapektaran ti pandemia ti COVID-19.
Sigun kenni Director Irtega, inindorso ti DOT Region 1 iti DOLE ti dagup 48,012 a trabahador nga naapektaran ti pandemia. Damo a inaprubaran ti DOLE ti 40,076 a trabahador kas benepisario iti tulong bayat iti nabati a 7,936 ket agur-uray pay ti aprubal.
Iti 40,076 a trabahador, 4,034 ket manipud Ilocos Norte; 3,027 manipud Ilocos Sur; 5,265 manipud La Union; ken 27,750 manipud Pangasinan. “Currently, our office is requesting another fund from the DOLE to assist more tourism workers to receive cash assistance,” kunana.
Malaksid kadagiti naawanan trabaho a trabahador iti turismo, kuna ni Ortega nga dagiti trabahador ti turismo nga adda sidong ti flexible work arrangements ket kialipikado met a makaawat iti tulong.
Kabayatanna, kinuna ni Ortega nga iti DOT Region 1 ket madama a mangar-aramid iti plano para iti nasaknap a panagbakuna kontra COVID-19 para iti amin a trabahador to sektor ti turismo iti rehion kas panagsagana para iti naan-anay a panaglukat manen dagiti lugar ti turismo iti rehion.
“The inclusion of workers in the tourism sector particularly those working in the airports and quarantine hotels as recipients of a free anti-COVID-19 vaccine in the vaccination priority list: A4, is a great help for them. We are overwhelmingly expressing our gratitude to Secretary Carlito Galvez of the Office of the Presidential Adviser on the Peace Process who worked out for the inclusion of our tourism workers in the priority list of those who will receive the vaccine,” kuna ni Ortega.
(FGL-PIA1/PMCJr.-ABN)