NAKASAGANAN AMIN PARA ITI PHP25.7-B IRRIGATION PROJECT ITI AMIANAN A LUZON

SIUDAD TI BAGUIO

Inyanunsio iti National Irrigation Administration (NIA) idi Mierkoles nga iti maysa a dakkel a proyekto iti irigasion a mangipaay iti maysa makatawen a suplay ti danum kadagiti mannalon iti amianan a paset ti Luzon ket madaman a nakaproseso. Imbaga ni NIA Administrator Eduardo Guillen nga iti Ilocos Norte-Ilocos SurAbra Irrigation Project (INISAIP), agarup PhP25.7 nillion ti gatadna, ket manamnama a madanuman iti nasurok 14,000 ektaria ti taltalon iti tallo a probinsia apaman a malpas.

“The project was conceived during the time of the late president Ferdinand E. Marcos and said project is now on the go under the current administration (Iti proyekto ket nabukel idi panawen daydi dati a presidente Ferdinand E. Marcos ken iti nasao a proyekto ket madaman iti sidong ti
agdama nga administrasion),” kuna ni Guillen iti maysa nga interbiu iti media.

Agingga ita a pannakaipaskil, dagiti naituding a personnel iti NIA ket ipagpagnadan tapno makaala kadagiti amin a maitutop a dokumento a kasapulan iti National Economic Development Authority tapno mairugin iti “big-ticket irrigation project” iti daytoy a paset ti Luzon. Iti konstruksion dagiti
access road nga agturong iti 126.41-meter high storage dam iti ballasiw ti Palsiguan River idiay Lagayan, Abra ket nangrugin bayat a dagiti personnel ti NIA para iti rightof-way ket nakitungtongen kadagiti agtagikua kadagiti madalanan a lote iti INISAIP.

Iti umad-adani a krisis iti danum a mabalin a pakaigapuan iti maysa a dakkel nga epekto kadagiti mannalon, imbaga ni Guillen a manginanama isuna nga iti NIA, iti nasinged a koordinasion, kadagiti departamento ti public works ken agriculture, kasta met kadagiti maseknan nga ahensia
iti gobierno, ket kabaelanna a tamingen dagiti isyu babaen iti panangbangon kadagiti nangato a puttot a saan laeng a mausar para iti irigasion no di ket uray para iti koriente, flood control, ken aquaculture projects.

Iti panaglabas dagiti tawen, dagiti mannalon ti Ilocos, nangnangruna iti second district iti Ilocos Norte ken Ilocos Sur ket agsagsagabada iti kinakirang iti danum a mangsibug kadagiti talonda gapu iti kurang a pasilidad para iti irigasion.

(LA-PNA Ilocos/PMCJr.-ABN)

Amianan Balita Ngayon