Nasapa a rehistrasion inkondukta ti DepEd para SY 2021-2022

April 3, 2021 Headlines

SIUDAD TI FERNANDO CITY, La Union – Mangikondukta iti Department of Education iti nasapa a rehistrasion para iti school year 2021-2022 nga maaramid iti maysa a bulan. Iti nasapa a rehistrasion, nga nangrugi idi Marso 26 agingga Abril 30 ket maserbian dagiti sumrek a Grades 1, 7 ken 11, kasta met dagiti agadal a Kindergarten.
Sigun kenni Mr. Valerie Lim, Division Planning Officer ti Schools Division Office iti La Union, daytoy nga aktibidad ket tapno maipasigurado nga dagiti sumrek nga estudiante ket mairehistro para iti sumaruno a school year ken matulongan iti Departamento nga mangadal ken agsagana para kadagiti posible nga is-isyu ken pannakaseknan.
“Since La Union is under modified general community quarantine status, we are conducting the on-site or the in-person registration,” kuna ni Lim.
Kunana pay, “Hinihikayat natin ang mga magulang o mga gabay ng mga Kindergarten, Grades 1, 7 and 11 learners na iparehistro na ang mga bata sa pinakamalapit na paaralan sa kanila.” Ipanamnama ni Lim nga nainget a tungpalen dagiti eskuelaan iti minimum health protocols.
Dagiti nagannak wenno dagiti agay-aywan ket suratanda laeng iti porma iti rehistrasion nga masapulanda iti nairanta a lamisaan ti tunggal publiko a pagadalan.
“The modified basic education enrollment forms will be given for free,” inlawlawag ni Lim.
Tapno mataming dagiti karit iti transportasion iti tengnga dagiti restriksion ti community quarantine, naananay met iti pannakaaramat ti Departamento kadagiti sabali nga alternatitbo a plataporma para iti rehistrasion.
“Pwede din silang mag-text, mag-chat o magpadala ng kanilang mga mensahe sa mga teachers sa official Facebook pages ng mga eskwelahan para magparehistro kung talagang nahihirapang pumunta sa mga eskwelahan,” kuna ni Lim iti pagsasao a Tagalog.
Dagiti agadal a lima a tawen agingga Oktubre 31, 2021 ket kualipikado nga ag-enroll para iti Kindergaten a tukad. Bayat a dagiti agadal para iti sabali a grade levels ket saanen a nasken a makipartisipar iti aktibidad ta naikonsideradan a “nakarehistron.”
“Huwag po silang mag-alala kung hindi sila makapagparehistro ngayon dahil magkakaroon pa rin naman tayo ng enrollment period,” palawag ni Lim. Kabayatanna, daytoy a nasapa nga aktibidad ti rehistrasion ket inkapilitan para amin a publiko nga pagadalan bayat nga saan a kapilitan para kadagiti pribado a pagadalan.
(CGC-PIA LU/PMCJr.-ABN)