NAYON TI MINIMUM WAGE ITI REHION TI ILOCOS APRUBADON

SIUDAD TI MALASIQUI, PANGASINAN – Iti inaldaw a minimum wage rate iti Rehion ti Ilocos ket ngumaton iti mabiit nga PhP372 ken PhP400 kalpasan ti anamong iti Regional Tripartite Wages and Productivity Board- 1 (RTWPB1).
Iti maysa nga interbiu idi Martes, imbaga ni Department of Labor and Employment Ilocos Region information officer Justin Paul Marbella nga iti baro a minimum wage rate ket maur-uray iti pammatalged iti National Wages and Productivity Commission.
“After which, it will be published in local newspapers and then the new rate shall be effective in 15 days upon publication(Kal pasann a, maipablaakto daytoy kadagiti lokal a periodiko ket kalpasanna agbalin nga epektibo iti 15 nga aldaw apaman a maipablaak),” kunana.
Imbaga ni Marbella nga inanamongan ti RTWPB-1 idi Mayo 11 iti minimum wage a PhP400 kada aldaw para amin a non-agriculture establishments nga addaan 10 wenno nasursurok pay a trabahador; ken PhP372 kada aldaw para amin a non-agriculture a kompania a nakurkurang ngem 10 dagiti empleadoda; ken agrikultura, plantasion man wenno saan a palantasion.
Iti minimum wage a nangrugi idi 2019 ket PhP340 kada aldaw para kadagiti non-agricultural establishments nga addaan nasursurok 30 dagiti trabahadorda; PhP310 para kadagiti addaan 10 agingga 29 trabahador; ken PgP282 para kadagiti addaan maysa agingga siam nga empleado.
Para kadagiti empleado ti agrikultura, iti kada aldaw a minimum wage ket Php282 para iti saan a plantasion, ken PhP295 para iti plantasion.
Imbaga ni DOLE Ilocos regional director Atty. Evelyn Ramos nga daytoy nga ingangato ti sueldo ket resulta iti maysa a komprehensibo a panangadal iti wage board.
“We took into consideration all the concerns and manifestations which arose during our public consultations and hearings. But one thing was clear that both management and labor sectors were amenable for an increase (inkabilanganmi iti amin a pannakaseknan ken dagiti pannakaipamatmat a rimsua bayat iti pangpubliko a konsultasion ken panagdengngeg. Ngem maysa a banag iti nalawag a pareho a management ken labor sectors ket naanamongan iti panagngato),” kunana.
Dagiti domestic workers wenno kasambahay ket makaala met iti panagngato ti binulan a sueldo manipud PhP4,500 para kadagiti siudad ken first-class municipalities, ken PhP3,500 para kadagiti sabali a munisipio, a PhP5,000 binulan.
“This time, the wage board thought it proper to set the monthly minimum wage rate of PHP5,000 for kasambahay regardless of area classifications (Iti daytoy a tiempo, impagarup iti wage board a rumbeng nga ikeddeng iti binulan a minimum wage rate a PhP5,000 para kadagiti kasambahay aniaman iti klasipikasion iti lugar),” kuna ni Ramos.
Inyebkas ni Blesilda Martin, maysa nga empleado manipud Siudad ti Dagupan iti gagarna iti masungad nga ingangato ti sueldo iti rehion.
“Sana maipatupad na po agad kasi malaking bagay ang increase lalo sa panahon ng pandemya,” kunana iti pagsasao a Tagalog.
(HA-PNA Ilocos/PMCJr.-ABN)

Amianan Balita Ngayon