NFA-ILOCOS NORTE NAGURNONG TI BAGAS PARA PANAWEN TI MATUTUDO

May 17, 2024 Headlines

LAOAG CITY, Ilocos Norte

Ti National Food Authority (NFA) iti probinsia ti Ilocos Norte ket nangrugin a nagurnong ti suplayda para iti panawen ti matutudo, nga addaan agarup 43,177 sako ti bagas a ginatang manipud kadagiti lokal a mannalon iti PhP30 kada kilo manipud Abril 22 agingga Mayo 13, 2024. “The PHP30 per kilo buying price of NFA is a big help to our farmers as we used to buy PHP23 per kilo from them (Iti PhP30 kada kilo a buying price ti NFA ket dakkel a tulong kadagiti mannalontayo agsipud ta dati a panaggatangmi ket PhP23 kada kilo manipud kadakuada),” kinuna ni NFAIlocos Norte branch manager Engineer Jonathan Corpuz iti maysa nga interbiu.

Kaaduan ti suplay ket nagatang manipud kadagiti mannalon iti daytoy a siudad, kasta met manipud kadagiti ili ti San Nicolas, Bacarra, Dingras, Marcos, Solsona, ken Nueva Era. Imbaga ni Corpuz a gandatda a gumatang iti kanayonan a 7,000 sako ti bagas, a 50 kilos kada sako, ita a lawas tapno makaurnong iti agarup 70,000 sako kadagiti
bodegada para ti tiempo nga awanan iti adu a taraon, ken nakasagana para iti kinatalged ti taraon ken relief operations kadagiti kaso ti emerhensia ken didigra. Mailako iti NFA rice iti PhP20 kada kilo kabayatan ti Kadiwa ng
Pangulo program a maangay iti di kumurang a mamindua iti makabulan iti sango ti Provincial Capitol.

Iti branch ti NFA ket addaan iti accredited outlets babaen iti Institutionalized Bigasan Sa Palengke (IBSP), ken dagiti
indibidual a retailer a masarakan iti uneg ken ruar dagiti tiendaan a nangnangruna a maipaay kadagiti nabaybay-an a tattao. Ti ahensia ti taraon ket autorisado a gumatang iti apit ti pagilian ken iggaman a kas reserba iti oras dagiti kinakirang ti taraon ken didigra, kas naibalabala iti Rice Tariffication Law of 2019 (Republic Act No. 11203).

(LA-PNA Ilocos/PMCJr.-ABN)