Novel Coronavirus part 2!

February 10, 2020 Sirmata ken Tagtagainep ni Mang Gusting

Naimbag nga agsapa, aldaw, malem wenno rabii kadakayo amin kabarangayan, kakayong, gagayyem ken saan nga amammo… wahahahaha…Sumangbay manen kadagiti nadayaw a matmatayo toy kolum tayo ket sapay la koma ta naikkaten dagiti sangkap kadagiti mulagat yo…hahaha…kumusta kayo metten Kakayong!

Kumusta kayon Kakayong mi ida..ania ti madamag kadagiti luglugar yo…? No dakami met ti kas yo damagen, ay ket adda latta met danag mi, a maipapan iti coronavirus nga inbagbagada..nangruna ket mabuya ngarud iti TV ken isu lattan ti mangmangeg iti radio dayta a virus..ket bayat a sursuraten tayo daytoy a kolum tayo adtoy met ti kaudian a damage maipapan iti nasao a corona virus..addan nai-record wenno nailista iti daytoy a corona virus outbreak in mainlang China a dimmanun iti 636, segun iti National Health Commission..

Segun pay iti kaudian a damage a no sadino ket adda 73 a bilang dagiti natay, adda 69 kadagitoy ti naggapu iti HUBEI province, makuna nga epicenter iti nasao nga outbreak a pakairamanan ti 64 iti provincial capital ti WUHAN..saan kadi a makapadanag daytoy a damage Kayong Angkuan..? nangruna ket addan natay a Pinoy manipud iti China…Adda met mabambantayan iti probinsia ti Benguet ..Ngem, Ala..agannad tayo koma laeng ken ugalien tayo ti panagdaldalus nga uray awan dayta agraraira a sakit…Masdaaw tayo…kas iti nadakamat tayo iti napalabas a kolum tayo, nagsasaruno dagitoy a didigra ditoy laeng pagilian tayo…Koma, kadagitoy a mapaspasamak, agpanunot tayon..amangan no ballaag daytoyen Apo a kasapulan tayo ti agsingsingpeten wenno agaramid iti nasayaat..

Kuna dagiti adda iti benneg ti salun-at, kasapulan laeng ti panagdaldalus iti bagi keb aglawlaw..Ugalien ti kanayon a panagugas wenno panagsabon iti ima, ken panagapros iti alcohol…liklikan met ti mapan kadagiti kaaduan ti tao ken umasideg kadagiti maatap nga infected iti nasao a virus..Sabagay, Kayong Angkuan, uray met awan dayta a coronavirus, masapul met latta ti panagdaldalus..Ta kunada ngarud…Cleanliness is next to Godliness…

Kabayatanna, iti siudad ti Baguio, saanen a naituloy ti Panagbenga Opening parade..Gapu ngarud iti nasao a coronavirus outbreak..Nupay kasta maituloy dagiti dadduma nga aktibidad…kabayatanna, saan laeng a ditoy Pilipinas ti makumikom gapu iti daytoy a nagwaras a sakit..ta uray kadagiti dadakkel a Nasion ket makumikomda met a mangararamid iti mesures a makuna wenno addang tapno nakasagana dagitoy no agwaras met iti lugarda iti nasao a Virus.

Ala, kailian..awanen ti sabali nga inkam maibalakad no saan a panagdaldalus iti bagi ken kararua.. wen ta kunada a no nadalus ti panunot ken konsensiam nakasaganaka a sumaklang iti iti Dios.. Isu a liklikanen dagiti dadduma pay a pammilin dagiti health officials tapno maliklikan dayta a virus..dagiti dadduma, agusarda iti facemash..ngem ti parikut manen dita…naibusan kanu dagiti drugstore..ken adda met dagiti mananggundaway nga ilemmengda sadanto ipangina..hay naku..uray panawen ti makuna a kalamidad, adda latta dagiti mananggundaway..awan pay um-umno a talaga..ay, biag..kaskasla takiag. ba bayoooo…tsuptsup muahmuahh…..