Naimbag nga agsapa, aldaw, malem wenno rabii kadakayo amin kabarangayan, kakayong, gagayyem ken saan nga amammo… wahahahaha…Sumangbay manen kadagiti nadayaw a matmatayo toy kolum tayo ket sapay la koma ta naikkaten dagiti sangkap kadagiti mulagat yo…hahaha…kumusta kayo metten Kakayong!
Apowwww….ania manen daytoy a dimteng kadatayo…saan pay laeng a nakabangon dagiti kadaraaan wenno kailian tayo gapuanan iti panagbettak ti Taal Volcano iti probinsia ti Batangas, adtoy manen ti sabali a bomba a pangta iti salun-at tayo.
Isu daytoy ibagbagada a CORONAVIRUS a no sadino ket nangrugo daytoy iti pagilian a China..iti kaudian a damag, addan 213 a kaso ti nasao a virus..saan laeng a nagsakit no di ket natay gapu iti nasao a virus..adda metten dua a kaso iti Britania ken adda metten kompirmado a kaso iti pagilian tayo..
Gapu iti dayta, mapangpanggepen a maparitan dagiti turista manipud iti pagilian a Tsina..Indeklara metten ti WORLD HEALTH ORGANIZATION ti nasao nga outbreak a global emergency.
Segun met kadagiti eksperto iti salun-at umuna nga aramiden ket sursoroen ti managdaldalus nangruna it bagi..agbuggo a nasayaat ken agsabon…papigsaen met ti immune system tapno napigsa ti resistansia kontra iti aniaman a sakit a saan laeng a ti ‘CORONAVIRUS nga isu ita ti pagbutbutngan iti sangalubongan…
Gapu iti daytoy nagwaras a makapatay a virus, adu metten dagit airline company ti nangsuspende iti biayahe da nga agturong iti pagilian a Tsina..adda met dagiti nakissay iti biayhaeda iti nasao a nasion..Uray ti maysa nga American airline iti Estados Unidos ket sinuspendenan ti flight daytoy manipud Los Angeles nga agturong iti China.
Nagduduma latta dagiti dumteng a pagparikutan ti tao..malaksid kadagit makuna a natural calamity adda met dagitoy a sakit a no sadino ket mapattapatta nga idateng ti narugiten nga angin nga intay lang-aben…gapuanan amin daytoy ti pollution…ania ngarud ti aramiden tayo, kailian..? Makumikom ti gobierno ken ahensia ti salunat a mangprebentar iti panagwaras ti nasao a virus..
Iti siudad ti baguio, naisingasing ti pannakakansela ti tinawen a flower festival wenno PANAGBENGA a no sadino ket maang-angay iti bulan ti pebrero..daytoy nga addang ket tapno maliklikan ti possible a kaadda’t isasangbay ti biktima wenno apektado iti nasao a virus ket agwaras pay iti siudad ..Kabayatanna, adda latta met posibilidadna nga agbettak pay ti bulkan Taal nupay awan nakitada a pagilasinan iti isangbayna a peggad makalawasen ti napalabas.
Malagip tayo a tunggal tawen ket adda latta kastoy a dumteng a nagduduma a sakit a no sadino ket pagparikutan iti sangalubongan..ti laeng makunami, patienmi ti balakad ti maysa nga eksperto a kasapulan ti panagdaldalus iti aglawlaw ken bagi..papigsaen met ti resistansia tapno adayo iti sakit… adda man kakastoy nga epidemia wenno awan ta ania man a kita ti sakit, saantayo a basta kapten ti sakit..
Ala, Kakayong…kasta pay ta ne…naimasan tayo manen..amangan no sabatennak manen iti binalsig ni Sofing ……babayoooo…tsuptsup muah muahh..
February 3, 2020