NUTRISYON SA CAR, PAGKAKAISA PARA SA MATAGUMPAY NA KINABUKASAN

July 13, 2024 Metro BLISTT

BAGUIO CITY

Sinimulan ng Cordillera Administrative Region (CAR) ang kanilang Buwan ng Nutrisyon na may matibay na
panawagan para sa pagkakaisa, para palakasin ang seguridad at pangmatagalang kaligtasan sa nutrisyon sa rehiyon, noong Hulyo 9. Ginanap ang pagtitipon ng mga lider at kinatawan mula sa iba’t ibang sektor upang ipakilala ang Regional Plan of Action for Nutrition (RPAN) 2023-2028.

Layunin ng plano na tugunan ang mga hamon ng malnutrisyon at itaguyod ang mga malusog na pamumuhay sa buong rehiyon. Si Rita Papey, dating Deputy Executive Director ng National Nutrition Council (NNC), ang naging
pangunahing tagapagsalita na pinuri ang mga tagumpay ng CAR sa pagbaba ng mga indikador ng malnutrisyon.
“Malaki na ang ating narating, ngunit mayroon pa tayong dapat gawin,” pahayag ni Papey, na nagbigay-diin sa
kahalagahan ng tuloy-tuloy na pagtutulungan sa pagitan ng mga ahensya ng gobyerno, NGOs, negosyo, at komunidad.

Binigyang-diin ng paglunsad ang mahalagang papel ng RPAN 2023-2028 sa pagtatakdang mga inisyatibo sa nutrisyon sa rehiyon. Tinalakay naman ni Bella Basalong, Regional Nutrition Program Coordinator, ang tema ng Buwan ng Nutrisyon at ipinakita ang pag-focus ng RPAN sa pakikilahok ng komunidad at mga bagong pamamaraan.
“Sa pamamagitan ng RPAN, layunin nating tiyakin na ang bawat residente sa CAR ay may access sa masustansyang pagkain at mahahalagang serbisyong pangkalusugan,” pahayag ni Basalong.

Si Dr. Azucena Dayanghirang, NNC Assistant Secretary at Executive Director, ay nagpalakas ng tema ng pagtutulungan sa kanyang video message. Hinikayat ni Dr. Dayanghirang ang mga stakeholder na aktibong
makilahok sa mga aktibidad ng PPAN (Philippine Plan of Action for Nutrition), na nagbigay-diin sa pangangailangan ng pagkakaisa upang makamit ang pangmatagalang mga layunin sa nutrisyon.

Nagbigay rin ng suporta para sa mga patakaran at inisyatibo sa nutrisyon sina Department of Agriculture
Regional Technical Director Danilo Daguio at DILG-CAR Regional Director Araceli San Jose sa kanilang mga
pagtatalumpati. “Mahalaga ang pagtutok ng CAR sa pag-integrate ng nutrisyon sa lokal na pamahalaan para sa
pangkalahatang kalusugan at kaunlaran ng rehiyon,” pahayag ni Director San Jose.

Nagtapos ang pagtitipon sa pagpirma ng mga stakeholder ng isang pangako upang itaguyod ang karapatan sa sapat na pagkain at nutrisyon, na nagpapatibay sa pagpapatupad ng mga estratehiya ng RPAN nang epektibo. Ang mga aktibidad ng paglunsad, kasama ang mga interactive session at pagpapakita ng mga masustansyang produkto mula
sa mga lokal na kooperatiba, ay nagpapakita ng dedikasyon ng CAR sa pagpapakilala ng komunidad sa kanilang agenda sa nutrisyon.

Patuloy na determinado ang CAR sa kanilang misyon na mapabuti ang seguridad sa nutrisyon sa pamamagitan ng
pagtutulungan at pagpapatupad ng mga pangmatagalang praktis. Ang paglunsad ng Buwan ng Nutrisyon hindi lamang nagdiwang ng mga nakaraang tagumpay kundi nagtakda rin ng pamantayan para sa mga susunod na hakbang na may layuning siguruhin ang kabutihan ng lahat ng residente sa buong rehiyon.

Jasmin Alaia Legpit/UC-Intern