Oplan Tokhang, sa PDEA na!?

Hindi ito fake news! Totoo ire, pards. Mismong si Pangulong Digong ang nag-atas sa Philippine Drug Enforcement Agency (PDEA) na solo na itong mangunguna sa pagsasagawa ng “Oplan Tokhang” o anti-drug campaign habang pinagbawalan niya ang Philippine National Police (PNP), National Bureau of Investigation (NBI), Armed Forces of the Philippines (AFP) at iba pang law enforcement agencies. Ang atas ay sa pamamagitan ng isang memorandum na nilagdaan ni Digong kamakailan lang. So bawal na sa PNP, NBI, AFP at iba pang law enforcement agencies na magsagawa ng anti-drug operations. Eksklusibo na itong ipapatupad ng PDEA na nakasaad sa RA9165 o ang Comprehensive Dangerous Drug Act of 2002. Ganern? Halukayin natin.

******
Narito ang batas na noon pang 2002 pala epektibo: “RA9165 further mandates that while it shall not mean to be diminution of the investigative powers of the NBI, PNP on all crimes as provided for in their respective organic laws, the said law however specifically provides that “when the investigation being conducted by PNP, NBI or other ad-hoc anti-drug task force is found to be a violation of any provisions of this act, the PDEA shall be the lead agency. The NBI, PNP or any task force shall immediately transfer the same to the PDEA.” Dagdag pa ng pangulo na ang PNP, NBI, AFP, Bureau of Customs, Philippine Postal Corporation at iba pang ad-hoc agency ay dapat magbigay sa PDEA ng lahat ng mga impormasyon o data na kanilang hawak patungkol sa illegal drugs. Tsk tsk, bakit ngayon lang daw naisipang ipatupad ang naturang batas? Kung noon pa sana, sabi ng marami, baka hindi umabot sa libo ang mga napatay dahil sa droga. Ano kaya ang nangyari kung sakali? Pero tapik naman ng iba, kung noon pang 2002 na may batas na tayo kontra illegal drugs at nakaatang ang implementasyon sa PDEA, bakit malala pa rin ang problema sa droga kahit pa bago naging pangulo si Pres. Duterte? Ibig bang sabihin, hindi gumana ang batas? Kulang kaya ang pagkilos noon ng PDEA hanggang sa inabutan ng Oplan Tokhang ni Digong?

******
Matapos ang kautusang bago ni Pres. Duterte, bumalik sa sosyodad ang napakaraming katanungan hinggil sa Oplan Tokhang. Sa record, libo na ang napapatay. Libu-libo rin o baka milyon na ang mga sumuko, natumbok, narehab at tiyak na marami pa ring nagtatago dahil sa takot sa Tokhang. Sa mga patay, ayon sa PNP, lumaban daw. Sabi naman ng mga kontra (witnesses) sinadyang patayin kahit hindi lumaban. Sabi naman ng ilang analyst: hindi lang mga otoridad ang maaaring pumatay sa lumaban (o hindi lumaban), puwede ring pinaslang ng mga nasagasaang kasamahan, katropa o kadroga upang hindi na sila kumanta. In short, hindi lang dapat sa PNP ang bintang, sabi ng mga may malawak na pananaw. At ngayong nasa kamay na ng PDEA ang Tokhang, tiyak marami pa rin ang magtatanong: mawawala na kaya ang EJK o extra judicial killings? Hindi kaya papatayin ang mga dawit sa droga kahit lalaban? Sa maliit na puwersa ng PDEA kontra sa higanteng problema sa droga, (local at international) kaya ba nila? Meron pa kayang mapapatay ang mga “riding in tandem”? Mula sa amin: good luck PDEA! Tamang desisyon, Apo Digong! Abangan ang mga susunod na eksena.

******
Please share your experience with LOLO DORO “JIMMY LUZANO” AKA. MR. CARIñOSO as we celebrate 50 years in the industry. Send to 0928-506-5269. Thank you, Adios mi amor, ciao, mabalos.

Amianan Balita Ngayon