P66M gatad ti school projects, ipatakder ti DPWH idiay Pangasinan

July 30, 2019 Headlines

SIUDAD TI SAN FERNANDO – Rinugian ti Pangasinan 3rd District Engineering Office iti Department of Public Works and Highways (DPWH) iti Ilocos Region ti panakatakder iti PhP60 milion a gatad ti dua apasdek ti pageskuelaan sadiay ili ti Asingan.

Kinuna ni District Engineer Gerardo T. De Guzman, dagiti school infrastructure projects ket madama nga maararamid sadiay Luciano Millan National High School nga maysa a pasdek ket addaan mapattapatta a gatad nga PhP21 milion, daytoy ket maysa a four-storey building nga addaan walo a siled pagadalan bayat nga iti maysa a pasdek ket maysa met a four-storey building nga addaan 16 nga siled pagadalan.

Iti maudi ket addaan gatad a PhP44 milion. Innayon na nga iti dua a pasdek ket launen na iti dua a science laboratories ken dua a computer rooms.

“The construction of the said school building projects is expected to be completed around October this year,” kuna ni de Guzman. Kasta met, kinuna ni Engr. Narchito S. Arpilleda, public information officer nga dagiti baro a pasdek ket sungbat iti kinakurang ti educational facilities gapu iti tinawen a panagdarison dagiti estudiante nga gapu met iti K-12 program iti Department of Education.

“The existing classrooms will become less congested and will benefit not only students but also teachers,” kuna ni Arpilleda.

Impaganetget na met nga dagiti school building projects ket calamity-resilient nga naponduan iti sirok ti 2018 Basic Educational Facilities Fund ti DepEd.

“These are designed to withstand strong typhoons and earthquakes,” innayon ni Arpilleda. Kabayatan na, kinuna ni De Guzman nga agtultuloy iti suporta ti opisinada iti programa ti gobierno nga mapasayaat ti kualidad ti edikasion iti probinsia.

PIA-1/PMCJr.-ABN