Pamilia Ilokano makaawat iti COVID-19 aid

SIUDAD TI LAOAG – Gapu iti indeklara ni Presidente Rodrigo Duterte nga enhanced community quarantine iti intero a Luzon, iti provincial government ti Ilocos Norte babaen iti Provincial Social Welfare and Development Office (PSWDO) ket mangibunong iti relief goods kadagiti sangkabalayan nga Ilokano.

Iti madama nga enhanced community quarantine, iti panaggaraw dagiti umili ket limitado laeng iti panaggatangda iti kangrunaan nga kasapulan. Iti probision para taraon ken essential health services ket maregulate.

“In any case, agibunongtayo ti food pack kadagiti affected, displaced, ken marginalized a kailiantayo ditoy Ilocos Norte, adda tay sidadaan a mausar,” kuna ni Lilian Rin, Provincial Social Welfare and Development Officer.

Kinuna ni Rin nga dagiti food pack ket mabalin agingga tallo nga aldaw kada maysa a pamilia. “Daytoy pannakaited ti food packs-tayo ken nanayunan ti quantity-na. It would last up to three days,” innayonna.

Kabayatanna, inaprubaran iti Provincial Local Finance Committtee idi Marso 12 iti pannakairuar ti Quick Response Fund iti probinsia nga maaramat tapno sigod nga matulongan iti komunidad nga Ilokano kadagiti medical materials.

Kasta met, nadutukan iti Provincial Treasury Office nga mangi-issue iti maysa a bulan nga advance pay para kadagiti empleado ti provincial government.

“We are also in the process of procuring our COVID-19 test kits. We will allocate aid for the worst-hit sectors,” kuna ni Governor Marcos Manotoc.

Madama nga ipampamuspusan ti provincial government nga maikkan iti alternative employment programs dagiti Ilokano nga unay nga naapektaran iti enhanced community quarantine.

“In the next few days, the provincial government will lay out our alternative employment programs and coping mechanisms for our people. We understand there will be many losses but we assure you that we will be here to assist you in these difficult times,” kuna iti gobernador.

Iti intero a Luzon ket naipasidong iti Enhanced Community Quarantine nga maibasar iti Presidential Proclamation No. 929 nga maawagan kas “Declaring a State of Calamity Throughout the Philippines Due to Coronavirus Disease 2019,” where “All government agencies and local government units are enjoined to render full assistance and cooperation with each other and mobilize necessary resources to undertake crucial urgent, and appropriate disaster response aid and measures in a timely manner to curtail and eliminate threat of COVID-19.”

MJTAB PIA, IN/PMCJr.-ABN

Amianan Balita Ngayon