Pulitika latta Kayong
Naimbag nga agsapa, aldaw, malem wenno rabii kadakayo amin
kabarangayan, kakayong, gagayyem ken saan nga amammo, wahahahahaa. Sumangbay manen kadagiti nadayaw a matmata yo toy kolum tayo ket sapay la koma ta naikkaten dagiti sangkap kadagiti mulagat yo, hahaa. No dakami met ti kayatyo a maamuan, adtoy nakuyem latta, addaan samsamuyeng gapu iti saanen a mailadawan a klima, Kayong. Pulitika, kunada a karugitan nga ay-ayam, kabaraan…ngem, depende dayta kadagiti agay-ayam wenno agpailayon, agpaidasig wenno agkandidato no laokanda iti kalokuan ti nasudi a panggepda, no limoganda iti kinadakes, isu dayta ti kunada a narugit. Nupay saan nga amin ta adda nga agpayso dagiti
napudno a panagserbi ti panggepda, adda met dagiti kasla tekka a kunada a no naramanandan ti nagtugaw ket didan kayat a maakkalda pay, aramidendanton ti amin a pamuspusan tapno
agnanayonda iti nasao a takem. Nga agingga iti makaaramid dan
iti saan a rumbeng a labsing iti linteg ti tao ken Dios.
Nagduduma ti gandat wenno panggep tunggal sumrek iti pulitika. Kunada, adda pay diay kandidato a pada a mangur-kuranges ngem inton nakatugawen ken nagtakem iti manu laeng a tawen, agsasaruno metten ti pannakaadda ti baro a kotsena, ket no ibasar iti sueldona kasano a napaaddana. Isu nga adda pay nagkuna a
gayyemko no kayatmo ti bumaknang, sumrekka iti pulitika. Kas intay mapalpaliiw pay kayong Angkuan, saan laeng a panagpabaknang sa ti ranta dagiti daddduma, batubato sa langit a kunada ang tamaan bukol este huwag magagalit dahil di naman natin linalahat kundi ayon lang sa ating obserbasion.
No nakatugaw dan, naaridan. Dida pay ketdin ammo ti nagtaudanda, no mapanka iti opisinada masapul pay nga adda appointment mo ken ania pay dita. Koma, no mapanka okey lang a makipilaka ngem tay damagenda no adda appointment mo, puwera koma metten. Adda pay obserbasionko Kayong, no kastoy a tiempo’t kampania kabagian wenno kumare, kumpareda amin a masabat da.
Madanunda amin a kasulinekan a lugar, ngem inton nangabakdan sus maria kusina, dimon makita ti mumukatanda.
Saan laeng a dayta, Kayong, dagitay kari ditoy, kari idiay awanen intayaben ti kali. Isu a koma, agbalin tayo a wais a kunada ta no agbiddut ayo, awan manen, maibbong manen dagiti sirmata ken tagtagainep tayo para iti lugar tayo. Bagitay to man laengen ti agammusay a di nangan a kunada agingga nga awan met sindana wenno saan a nangan, amangan no mapasamak to tay kuna ni Pare Estong, a dumteng to aldaw nga amin a Filipino ket agkutsaran a mangan. Sus maria kusina, nasdaawak iti daytoy nga imbagana, isu a nakunak mayat ngarud a kumapare ta mangipakita a simmayaaten ti biag tayo ta de kutsara tayo aminen kunak. Ngem saan Pare Gusting kunana, isu nga imbagak a de kutsaranto aminen a Pinoy ta linugaw laengen ti kankanenda, haahaha.
Sus maria kusina, aya Ikit Juana, anian a panagbiag ti kasta…am, malagipko, speaking of linugaw ken karigatan ti biag, adda man
istoryaek, Kayong. Istorya met laeng tay kumare a panagsiput
idiay tiendaan, adda kanu nakiapa a kapitana. Napan nakipila
iti NFA, gumatang kanu iti sangapulo a kilo ta para kadagiti asona ngem lima kilo laeng ti maximum a maala tunggal gumatang. Gapu ta madi diay aglako a mangted iti 10 kilos, inapanan Kayong, sus maria kusina aya. Dagiti nakipila, ananusanda piman ta yapoyda, isu ketdin para kano laeng iti asona, anian.
Ala, Kakayong, kasta payta ne, naimasan tayo manen, pang-orennakto man la ngatan iti binalsig ni Sofing ta dinan mauray ti inpagatangna a toyo ken asukar. Babayoooo, tsuptsup muahmuahh.
Review the Mutual Defense Treaty of 1951 and EDCA
February 10, 2019
