PANAGDIDINUNGPAR TI LIMA A LUGAN

September 19, 2021 Community Billboard

Nadangran ti dua nga indibidual kasaruno ti panagdidinnungpar ti lima a lugan iti sanguanan ti Maharlika building sadiay upper magsaysay avenue, Baguio City itay ala una ti malem. Dagiti nadangran a naiturong iti Baguio General Hospital and Medical Center ket agpada a motorcycle riders.
Immuna iti daytoy, aksidente a dinungpar ti maysa a Mitsubishi Pajero Wagon nga addaan iti plate number WKW 917 ti sarsarunuenna a motorsiklo nga addaan iti plate number JP 5995 ken imanmaneho ti maysa kadagiti nadangran.
Nagtaud ti nasao a pajero wagon manipud Lower Magsaysay ken paturong daytoy iti direksiyon ti O-shape overpass idi napasamak ti aksidente.
Photo by Rafael Valencia/Bombo Radyo-Baguio