PANAHON NA UPANG HUMUBOG PA NG MARAMING CARLOS YULO ANG PILIPINAS

August 10, 2024 Editorial

Ang Philippine Amateur Athletic Federation ay nabuo noong Enero 1911, nang ang bansa ay nasa ilalim pa ng pananakop ng Amerika. Ang organisasyon na kalauna’y naging National Olympic Committee ay kinilala ng International Olympic Committee (IOC) noong 1929. Unang nakipagkumpitensiya sa Olympic Games 1924 ang Pilipinas, at mula noon ay ang 1980 Moskva Olympics lamang ang hindi nito nasalihan. Nanalo ang Pilipinas ng 14 na Olympic medals sa boxing, swimming, track and field athletics, at weightlifting.

Hanggang 2020, hindi pa nananalo ng gintong medalya ang ating bansa. Hanggang noong Tokyo 2020 Olympics ay napanalunan ni Hidilyn Diaz ang kauna-unahang tunay na gintong medalya sa featherweight class sa weightlifting.
Nanalo na si Diaz ng isang pilak na medalya sa parehong weight class apat na taon ang nakaraan. Ang isa pang Pilipinong atleta na nakakuha lamang ng dalawang medalya ay ang swimmer na si Teofilo Yldefonso na nanalo ng dalawang tansong medalya mula 1928 hanggang 1932.

Nanalo ang mga Pilipinong atleta ng kabuuang 15 Olympic medals hanggang 2020 Summer Olympics kung saan ang boxing ang nangungunang isport na nakapagbibigay ng medalya. Noon ngang Hulyo 26, 2021 ay nakuha ng Pilipinas ang unang gintong medalya sa 2020 Summer Olympics sa Tokyo na pinanalunan ni Hidilyn Diaz sa Women’s 55 kg event sa Weightlifting. Isa pa, sa isang 1-2-1 hakot sa pinakamahusay na pagpapakita sa Olympic (hanggang 2024), lumitaw ang Pilipinas bilang ang best performing Southeast Asian nation, isang titulo na huli nitong nagkataong nahawakan nito noong 1964 sa Tokyo at lumundag sa ikatlo sa all-time medal table para sa Southeast Asia kasunod ng Thailand at Indonesia.

Ang 2024 Summer Olympics sa Paris ay ang sentenaryong anibersaryo ng Pilipinas sa pagsali sa palaro, at ang pinakamahusay na pagpapakita pa rin na umagaw sa pagganap nito sa nakaraang edisyon. Nanalo si Carlos ng gintong medalya pareho sa Men’s Floor at Vault events sa Gymnastics, nanalo rin si Aira Villegas ng tansong medalya sa Women’s Flyweight event sa Boxing, habang nakakuha rin si Nesthy Petecio ng tansong medalya sa Wome’s Featherweight division. Ipinagdiriwang ng Pilipinas ang bagong bayani sa Olimpiko kung saan nag-ukit si Carlos Yulo sa kasaysayan bilang kauna-unahang lalaki mula sa Pilipinas na manalo ng Olympic gold medal, at dalawa pa sa parehong mga Palaro.

Pangalawa lamang siya na Pilipinong atleta sa kasaysayan ng bansa na manalo rin ng ginto. Ang apat nab eses na Olympic weightlifter na si Hidilyn Dia na nanalo ng pilak sa Rio 2016, subalit limang taon ang nakalipas sa Tokyo 2020 na nanalo siya ng kauna-unahang Olympic gold medal sa women’s 55 kg. Sumali si Yulo sa isang eksklusibong club ng mga gumagawa ng kasaysayan, na iniukit ang kaniyang pangalan sa kasaysayan sa palakasan ng Pilipinas matapos ang isang ginintuang Palaro sa Paris. Pati na rin ang pinansiyal na bonus mula sa gobyerno, inulin si Yulo ng mga regalo at mga gantimpala para sa kaniyang kabayanihan sa Paris Olympics.

Gagantimpalaan din siya ng gobyerno ng isang congressional medal, habang niregaluhan siya ng isang fully furnished na bahay sa Manila. Hindi na rin proproblemahin ni Yulo ang ialng mga pagkain sa buong buhay niya dahil inalok siya ng unlimited free buffets, habang ang mga restoran sa buong bansa ay pinangakuan siya ng isang panghabambuhay na suplay ng mga tradisyunal na mga pagkain gaya ng chicken inasal, gayundin angalok na libreng mac at cheese ng habang-buhay.

Para sa kaniyang praktikal na mga pangangailangan, may libreng set ng headlights at fog lights ang naghihintay kay Yulo, libreng medikal na konsultsyon matapos niyang marating ang edad 45 at kahit ang isang libreng wedding photographer kung kailan niya gustong magpakasal. Nakakalula ang mga tatanggaping biyaya ni Yulo, kaya nga naging biglang sensasyon at idolo ito ng marami, bata man o matatanda. Ang kaniyang pagsisikap mula pa pagkabata ay isang patunay na sa maagang edad ay mahuhubog ng matindi ang isang bata tungo mas malalaking tagumpay.

Kaya panahon na muling buhayin ang palakasan sa mga paaralan, o maging sa komunidad upang makalikha pa ang bansa nga magagaling at makakapagbigay karangalan sa bansa. Sana ay pagtuunan na ng maigi ng gobyerno ang palakasan sa bansa at humubog ng mahuhusay na atleta sa mga larangang magiging bihasa at kaya ng isang Pilipino. Buhusan ng gobyerno ng karampatang pondo ang palakasan at bigyan ng maayos na pasilidad at insentibo ang bawat atleta na tiyak na mag-aangat sa Pilipinas sa larangan ng palakasan sa buong mundo.