Pananglapped iti suicide, impetteng ti DOH-Region 1

September 17, 2018 Headlines

SIUDAD TI SAN FERNANDO, LA UNION – Ti suicide wenno panangkettel iti bukod a biag dagiti agsagsagaba iti nakaro a panagliday ket mabalin a malapdan.
Daytoy ti impaganetget ti Department of Health (DOH) Region 1 iti napalabas a Kapihan sa Ilocos ti Philippine Information Agency (PIA).
Kinuna ni Dr. Herminigilda Salangad, medical officer IV ti DOH-1, ti suicide ket mabalin a maigapu iti problema iti mental health kas iti depression.
“Depression is the most common health problem worldwide. In 2015, there were some 300 million people suffering from it,” kuna ni Salangad.
Ditoy pagilian, 3.3 million Filipinos wenno 3.3 porsiento ti pakabuklan a populasion idi 2012 ti agsagsagaba iti depressive disorders.
Kinuna ti doktor a ti kadaksan a mabalin a resulta ti depression ket suicide.
“People who cannot handle it end up in committing suicide. Every year, close to 800,000 people take their own life all over the world,” kinuna ni Salangad.
Iti Region 1, ipakpakita ti estadistika iti DOH manipud Enero inggana Agosto 2018 nga adda ti 108 reported suicide cases. Kadagitoy, 85 porsiento wenno 92 ti bilang dagiti lallaki bayat a 15 porsiento wenno 16 ti bilang dagiti babbai.
Ti Ilocos Norte ti kangatuan ti kaso ti suicide iti 31 cases; sumarsaruno ti Pangasinan, 27 cases; La Union, 16; ken ti Ilocos Sur ti kababaan iti 15 cases.
“The youngest suicide victim in the region was 14 years old while the oldest was 93 years old, and hanging is the most common method of suicide,” kuna ni Salangad.
Gapu ta limitado ti bilang dagiti psychiatrists iti pagilian ket sansanayen ti DOH dagiti municipal health officers kadagiti nagduduma a rural health units (RHUs).
“We have started teaching them on how to handle mental conditions that can be treated at their level. Worse cases, however, are still referred to tertiary level hospitals,” kinuna ni Salangad.
Mataltalantan ti depression ken suicide kadagiti estudiante iti Grade 11 ken 12 iti rehion babaen ti nagduduma a tungtungan nga isaysayangkat ti DOH Region 1.
Innayonna a kas pannakaobserbar ti Mental Health Month iti Oktubre, adda maisayangkat a Mental Health Fair. Adda maited a libre nga ag-agas kadagiti pasyente a makitaan iti mental disorder.
Kabayatanna, ginutugot ni Dr. Magnolia Brabante, medical officer III ti DOH-1, dagiti umili nga tumulong kadagiti tattao a makitkitaan iti sintomas ti mental health disorder.
“Let us work together to fight the stigma against mental health,” kuna ni Brabante. “We hope that people will open their minds and hearts to the plight of patients suffering from mental health.”
Innayonna a dagiti addaan ti mental health disorders ket mabalin a makitaan ti naynay a kinaliday, awanan ti gaganaygayan, panagbalbaliw ti ganas a mangan, nababa a self-esteem, irregular sleeping pattern, ken nakurang a konsentrasion.
“If we know some of our family members, friends, or colleagues who might be battling with mental health illness particularly depression, let us have the compassion to talk to them and encourage them to seek professional help,” kuna ni Brabante. JNPD/PIA-1 / ABN