PANGASINENSES AGYAMAN KADAGITI SERBISIO TI GOBIERNO ITI SIDONG TI BAGONG PILIPINAS PROGRAM

September 28, 2024 Headlines

PANGASINAN

Dakkel iti epekto dagiti aktibidad, gannuat, programa, proyekto ken serbisio ti gobierno iti biag dagiti tattao. Para iti dadduma, maysa laeng dayta a bassit a porma ti tulong, ngem para iti adu, dakkel ti maitulongna iti biagda. Nabatad dagiti positibo a pagbanagan dagitoy a gannuat ti gobierno, kas adu a tattao manipud Pangasinan iti nangiyebkas ti panagyamanda para iti suporta ken oportunidad a naawatda manipud iti Bagong Pilipinas program ni Prersidente Ferdinand Marcos Jr. Panggep ti Bagong Pilipina program a sumakay iti maysa a panagbalbaliw a panagdaliasat nga agturong iti maysa a nasaysayaat a nasion, no sadino nga adda ken nalaka a magun-od dagiti panangibabaet ti gobierno.

Inyebkas ni Edwin Tolete, 50, maysa nga agar-aramid ti asin manipud Dasol, Pangasinan iti naimpusoan a panagyamanna iti Bagong Pilipinas program kalpasan nga maawatna iti napateg a salt making equipment, karaman iti maysa a plastic liner, salt storage, ken maysa a “tiklis” manipud iti Department of Agriculture-Bureau of Fisheries and Aquatic Resources (DA-BFAR). “Masayang-masaya at nagpapasalamat po ako sa ibinigay ng Pangulo dahil mula sa Malacañang, sinasadya niyang pumunta po talaga siya sa probinsya [noong Hulyo] para abutin ang mga taong nasa laylayan,” kinunana.

Imbaga ni Tolete a dagiti naipaay a pagkargaan ti asin ket makatulong unay para kadagiti padana nga agar aramid ti asin, nga awanan iti pamay-an a mangidulin ti asin, nangruna iti panawen ti matutudo. “Kapag po kasi umulan at wala pong mapag-iimbakan ng mga asin ‘yong mga kasama ko, nababasa po ‘yong asin at bumabalik sa pagiging tubig, pero ngayon po na meron na po kaming sariling imbakan, safe na po ‘yong asin mula sa ulan at magiging mas maganda po ‘yong quality ng asin dahil hindi po ito nalalagyan ng alikabok,” palawag ni Tolete. Malaksid iti alikamen, mangipaay met iti gobierno kadagiti agar-aramid ti asin iti seminars para iti food safety ken water pumping.

Maragsakan ken agyamen met ni Ramon Zaratan, 67, maysa a mannalon manipud Bugallon iti naawatna Certification of Condonation with Release of Mortgage (COCROM) para iti dagana manipud iti Department of Agrarian Reform (DAR). “Masayang-masaya po ako dahil wala na kaming babayaran na lupa kaya salamat, President,” kinuna ni Zaratan nga innayonna nga immune-una nga impaay ti gobierno kenkuana dagiti mula ken abono. Suportaran met ti Bagong Pilipinas program dagiti estudiante iti kasapulan unay a tulong kadagiti edukasional a kalatda.

Ni Raymart Lopez, 21, maysa nga estudiante iti Bachelor of Science in Mathematics iti Pangasinan State University (PSU) Lingayen Campus a marigrigatan iti pinansial, inyebkasna ti panagyamanna iti Bagong Pilipinas program kalpasan a makaawat iti training allowance ket toolkits manipud iti Technical Education and Skills Development Authority (TESDA). Dakkel ti naitulongna daytoy iti panagadalna ken tinulonganna a mapasayaat iti abilidadna
babaen ti panagpalistana iti programa ti ahensia bayat ti bakasionna.

Imbagana nga inted ti ahensia kenkuana iti toolkits nga addaan alikamen a napateg para iti trabaho ti masoneria,
argaman ti PhP2,500 allowance para iti 16 aldaw, a mausarna tapno makagatang kadagiti kanayonan nga alikamen ti
masoneria a mangpasayaat iti abilidadna. “Nagpapasalamat po ako sa TESDA sa kanilang programa, lalong-lalo na sa ating Pangulo, President Ferdinand Marcos Jr., sa pagbibigay ng tool kits, training, at allowance na magagamit
ko sa pagtatrabaho,” kinuna ni Lopez. Ni James Reyes, 21, maysa nga estudiante ti Alternative Learning System (ALS) manipud ili ti Lingayen a madama nga agpapa-dialysis, ket nagyaman met iti Department of Labor and
Employment (DOLE) ken kenni Presidente Marcos para iti tulong a pinansial a naipaay iit sidong ti Tulong Panghanapbuhay sa Ating Disadvantaged/Displaced Workers (TUPAD) program.

“Maraming salamat po sa tulong na ibinigay ng TUPAD at ni Pangulong Marcos. Malaking tulong po ito para sa kalagayan kong ito,” kinuna ni Reyes. Kabayatanna, kinomendaran ni Pangasinan Governor Ramon Guico III ti adbokasia ti Bagong Pilipinas program. “Napakaganda po ng panawagan na ito at adhikaing ito upang ma-develop ang buong bansa nating Pilipinas. It has to take all of us, Filipinos, to achieve the goals and aspirations of Bagong Pilipinas,” kinuna ni Guico.

Impasigurado met ni Guico nga suportaran ti probinsia ti Pangasinan iti amin a proyekto nga adda ti sidong ti Bagong Pilipinas. Iti sidong ti COCROM program ti DAR, di kumurang a 3,558 agrarian reform beneficiaries iti Region 1 ti nakaawat iti PhP50 million a kondonasion, katupag ti 4,112 certificates. Babaen iti TUPAD program ti DOLE, naawat ti 7,345 benepisario dagiti sueldoda nga agdagup ti PhP35 million bayat ti nabiit pay a naisayangkat a pasamak nga “Handog ng Pangulo: Serbisyong Sapat para sa Lahat” ti Bagong Pilipinas program.

Malaksid kadagiti programa ti agrikultural ken panggedan, nadumaduma a sektor ti Pangasinan iti nakaawat met ti tulong ken benepisio manipud iti Bagong Pilipinas program, karaman iti tulong pinansial manipud kadagiti ahensia ti Philippine Crop Insurance Corporation (PCIC), iti Department of Social Welfare and Development (DSWD), ken iti Department of Trade and Industry (DTI). Babaen iti Bagong Pilipinas program, ti tulong ti gobierno ket nakaaramid ti napateg pagdumaan kadagiti biag ti adu a Pangasinenses, a maipakita nga uray iti babassit a panagregget ket mabalin a mangyeg iti dakkel a panagbalbaliw.

(AMB/EMSA/KCC-PIA Pangasinan/PMCJr.-ABN)