PANGASINENSES NAPAKDAARAN KONTRA DAGITI SCAMMER NGA AGPAMMARANG KAS KAMENG TI DTI

September 22, 2023 Headlines

SIUDAD TI LAOAG

Imballaag ti Department of Trade and Industry DTI) Pangasinan idi Lunes (Setiembre 18) iti publiko kontra dagiti manangallilaw nga indibidual nga agpammarang a kas kameng iti ahensia a puntiria iti micro, small and medium enterprises (MSMEs) iti probinsia. Iti maysa a forum nga
indauluan ti Philippine Information AgencyPangasinan, imbaga ni DTI provincial director Natalia
Dalaten a nakaawatda iti dua a report manipud kadagiti MSME idi Setiembre 16 maipapan iti
panangpadas nga allilawen dagiti kompania.

“We have received reports that there were those going around pretending to be staff from DTI offering loans and soliciting money. Wala po kaming staff na nagso-solicit ng anumang amount para sa aming mga programa,” kuna ni Dalaten. Imbaga ni Dalaten nga iti panangallilaw a gakat ket puntiria dagiti MSME, mangitukon kadakuada kadagiti pautang ken kalpasanna agkiddaw ti kuarta kadakuada, para iti kabassitan a kantidad nga PhP5,000, kas paset iti maysa nga advertisement wenno panangsuporta iti maysa nga okasion.

“Una, they would act na kilalang-kilala nila ang businessmen at sinasabing taga-DTI sila at mag-o-offer ng loan at magso-solicit sa isang event na pwedeng ipasponsor,” kunana. Kinunana nga ti DTIPangasinanket awan dagiti programa a dumaw-dawat para kadagiti sponsor ken mangal
kadagiti advertisement. Imbaga ti DTI a nakikoordinar daytoy iti Pangasinan Provincial Police
Office tapno kitaen iti naipadamag nga eskema. Imbaga daytoy nga iti duan ga MSME ket saan a
natnag kadagiti manangallilaw ken imbes, dagus nga inreportda ti insidente kadagiti otoridad. Dinawat met ni Dalaten iti publiko a dagus nga ipakaammo kadagiti otoridad no makasabatda dagiti kasta a tattao wenno grupo.

(HA-PNA Ilocos/PMCJr.-ABN)