PEACE COVENANT SIGNING ISINAGAWA SA ABRA

April 5, 2025 Provincial

BANGUED,Abra

Pinangasiwaan ng Department of Interior and Local Government, kasama si Baguio City Mayor Benjamin Magalong, bilang head ng
Cordillera Regional Peace and Order Council at Police Regional Police Office-Cordillera, ang isang Peace Covenant Signing ng mga local
candidates ginanap sa Abra PPO Open Court, Camp Col Juan Villamor, Barangay Calaba, Bangued, Abra noong Marso 31. Layunin ng DILG at kapulisan na pagtibayin ang kanilang pangako para pagtibayin ang kanilang pangako sa isang mapayapa, maayos, at kapani-paniwalang proseso ng elektoral, matapos ang mga nakaraang insidente ng shooting incident na nagaganap sa lalawigan ng Abra, na ang iba ay may kinalaman sa pulitika.

Bilang highlight ng pagtitipon, idineklara ng mga kandidato ang kanilang dedikasyon sa pagtataguyod ng mga prinsipyong nakabalangkas sa tipan, na kinabibilangan ng paggalang sa buhay, paggalang sa soberanya ng mga tao, at paggalang sa panuntunan ng batas, pagsunod
sa lahat ng legal na pangangailangan at pagbabawal na may kaugnayan sa proseso ng halalan. Sa paglagda sa tipan, ipinangako ng mga
kandidato ang kanilang pangako sa pagtiyak ng isang tapat, patas, mapayapa, at malinis na halalan, na walang karahasan sa elektoral,
pandaraya, panunuhol, at pananakot. Sa mensahe ni Police Brig.Gen. David Peredo,Jr., iginiit nito ang hindi natitinag na paninindigan ng PRO Cordillera at binigyang diin ang matatag na pangako ng pulisya sa pagpapanatili ng kapayapaan at kaayusan.

Binigyang-diin din niya na ang sinumang mananagot sa anumang karahasan na may kinalaman sa halalan ay mananagot at haharapin ang buong pwersa ng batas. Nanawagan din si Magalong sa kanyang mensahe na maging parehas at huwag daanin sa dahas para lang maka-puwesto sa pulitika, sa halip ay manindigan sa kanilang tunay na layunin na makapa-serbisyo sa taong-bayan at gawing mapayapa ang eleksyon. Sa talaan ng Abra Commission on Election, tatlo ang magkalaban para sa House of Representative; dalawa sa Governor at dalawa sa Vice Governor; 14 sa 1st Distring Sangguinang Panlalawigan at walo sa 2nd District. Sa 27 bayan ng Abra ay may kabuuang 51
ang kandidato sa pagka-Mayor; 55 sa Vice Mayor at 454 para sa Sangguniang Bayan.

Zaldy Comanda/ABN