Perhuisio

August 6, 2017 Opinion Sirmata ken Tagtagainep ni Mang Gusting

Olleehhh, ollehhh, este hellooo, hellooo gayam…sus maria kusina, nabaliktad sa metten ti utektayo ta sabali metten ti intay maisursurat. Naimbag nga oras kadatayo amin kakailian. Addakam manen nga umay maki-abrasa ken makinnistoria kadakayo babaen iti ABN. Naimbag nga oras kadakayo amin nga awan malabsan kunami koma kailian. Kayatdakayo man a kumustaen kadagiti nadayaw a luglugar yo. Naimbag no dikay met laeng dinalapus iti husto da Gorio.ken Huaning?

Kalpasan dagiti dua a bagyo a limmabas iti Pilipinas awan kadi met laeng ti dakkel a perhuisio nga imbatina kadakayo? Adda dagiti grabe a naapektaran, kailian. Adda met dagiti nagay-ayat ta nadanuman dagiti taltalonda ket nakaungar dagiti pagay da. Kasta ti biagtayo, kailian, adda maragsakan no kasta nga agtodo, adda met dagiti maperhuisio la unay nangruna no madanun ti layus ti babbalayda ken sansanikuada. Isu a no maminsan ket saan a makapudpudno ti Apo no ania a talaga ti kayat tayo no maminsan.

No dakami ti pagdamagan tayo, awan sabali nga intay pabasolen no saan a datayo met laeng a tattato. Ngem ti dakesna, no adda ti kakastoy a kalamidad, pabasolentayo pay no maminsan ti Dios. Ngem, ti kinapudnona, gapu met laeng iti aramidtayo a tattao. Saantayo nga ilalaen dagiti parabor ti Apo kadatayo ket ti makadakes, mabilang kadagiti ramay dagiti mairanud imbes a datayo koma amin ti adda karbenganna nga agnomar kadagitoy, saan ketdi a pudno ti kinunak?

Nasken a kitaentayo koma ti kinapudno. Kayat tayo man wenno saan, datayo met laeng ti gapuna no apay nga intay lak-lak-amen ti bunga ti kinaranggas tayo nangruna iti nakaparsuaan. Nasken koma a saluadantayo tapno nangayngayed met laeng a pagnaedan.

Kumusta met dagiti proyekto ti gobierno kadagiti lugalugaryo, Kailian? No dakami ti inkay damagen, kas nakunami iti naglablabas a kolum tayo, adda pay diay proyekto ti naglabas a congressman ditoy idi sakbay election national. Nupay naabak daydiay a congressman, adda met naibatina a recuerdo kenkuana. Dayta laeng ta, iti saan nga ammo a rason, makauma pay ketdin ti agdamag no ania a talaga kuya…agingga ita, nasuroken a makatawen, di pay la maus-usar. Kasanu, aglayus met iti uneg ti agtodo ta ania ngarud, agtedted kanu tay slabna. Saan laeng a dayta, daytoy a multi-purpose hall ket initiative ti homeowners iti purokmi, inyindorso laeng ti barangay ta kasano piman ket awansa met ti ammoda a proyekto para kadagiti kabarangayanda, agpampannurayda laeng met iti resolosyon ti maysa a kagawad.

Ammoyo kailian, daytoy a multi-purpose a proyekto ket adu ti rason no apay nga agingga ita ket awan pay laeng serserbina daytoy a proyekto nga agbalor iti 2 milyon a pesos.

Ano ba talaga kuya? Idi damu, adun ti nangkontra iti daytoy a proyekto, mismo pay nga adda kagawad a nagpirma iti petisyon no di angngaek a kagawad. Imbes ketdi koma a dakayo ti mangilongalong iti proyekto, saan ta kontraenyo met…imbes koma a maragsakankayo, sal-ot kayo ketdi. Masdaawak no sadino ti napnapanan ti linaun ta sabutsabot ti ulom…no adda linaonna, ah. No adda man, amangan no nabangles met.

Alan Kayong Angkuan, kasta pay… I shall be returning to the comeback. Babayooo, tsuptsup muahmuah.