PHP11.9M BODEGA NGA ADDAAN SOLAR DRYER MAIBANGON ITI ILI TI ILOCOS NORTE

November 11, 2023 Headlines

VINTAR, Ilocos Norte

Agarup 500 a mannalon ti manamnama a magunggonoan manipud iti naiplano a PhP11.9 milion a
multi-purpose warehouse nga addaan solar dryer iti Barangay San Jose sadiay Vintar, Ilocos Norte, nairanta a kissayan dagiti pannakalugi kalpasan ti panagapit ken pasayaaten ti produksion dagiti mannalon.

Pinondoan ti World Bank iti sidong ti Philippine Rural Development Project nga addaan katupag a bingay manipud iti Department of Agriculture ken iti local government unit ti Vintar, kuna ni municipal agriculturist Maricel Serrano iti maysa nga interbiu nga iti bidding para iti konstruksion ti warehouse ket maaramid ita a bulan.

“There is no exact date yet [regarding the period of construction] because the project has to undergo the procurement process first (Awan pay iti eksakto a petsa [maipapan iti panawen ti
konstruksion] gapu ta masapul nga umuna nga agpasar ti proyekto iti proseso ti panggatang),” imbaga ni Serrano. Maibasar iti sumario ti proyekto nga naala manipud DA Regional Field Office 1, iti 128-metro kuadrado a bodega ken 432-metro kuadrado a solar dryer ket imaneharto iti
gobierno ti Vintar.

Ti proyekto ket manamnama nga ingatona iti japaut ti panagbiag ti produkto uray agingga 50 porsiento, ken maibaba iti lugi kalpasan ti panagani iti 5 a porsiento. Babaen ti kaadda ti estruktura a natalged a bodega ken dryer para ti pagay, mani, sibuyas ken mais iti panawen ti panagapit, pattapatta ti DA nga mabalinto nga ipangato dagiti mannalon iti presio ti panaglakoda iti nadumaduma a tagilako manipud 17.42 porsiento agingga 127.27 porsiento.

“Ti bodega ket sigurado a mangpaadu iti matgedan dagiti mannalon babaen ti panangipaay iti ad-addu a kalidad a produkto. Babaen ti solar dryer, saanton a pagmagaan dagiti mannalon ti apitda dagiti igid ti kalsada a makagapu dagiti pannakalugi kalpasan ti panagapit,” kuna ni Mayor Richard Degala iti maysa a pagsasao.

(LA-PNA Ilocos/PMCJr.-ABN)