PHP289M INDEGENOUS FOOD CONSORTIUM INYUSUAT SADIAY ILOCOS NORTE

January 27, 2023 Headlines

LAOAG CITY, Ilocos Norte

Indanguluan ni Prospero De Vera III, Chairman iti Commission on Higher Education (CHED) iti
pannakaiyusuat iti Indigenous Food Research Consortium (IFRC) sadiay Mariano Marcos State University (MMSU) idi Enero 19. Maysa a seremonial a panagpirma iti Memorandum of Agreement (MOA) iti naaramid a kadua ni Secretary De Vera da, MMSU President Dr. Shirley Agrupis, Ilocos Sur Polytechnic State College (ISPSC) President Gilbert Arce, Don Mariano

Marcos Memorial State University (DMMMSU) President Jaime I. Manuel Jr, ken BauerTek Founder ken President Richard Nixon Gomez. Ni Dr. Anil Anal, propesor iti Food Engineering and
Bioprocess Technology iti Asian Institute of Technology (AIT) idiay Thailand ket kimmadua met iti birtual a panagpirma iti MOA. Addaan iti PhP289 milion a pondo manipud CHED iti nasao a research program ket panggep na a paregtaen iti itatanor ken panangitandudo kadagiti katutubo a makan a mulmula iti rehion ti Ilocos.

Segun kenni MMSU President Dr. Shirley Agrupis, tarigagay met iti konsorsio a mapapigsa iti panangpatanor kadagiti probiotics manipud kadagiti katutubo a mula, iti pannakitinnulong ti BauerTek ken AIT. “This research program will offer an innovative approach for the formulation
and development of probiotic product such as beverages, probiotic food, and pharmaceutical formulations from local plant resources in a holistic food system (Daytoy nga outreach program ket
mangipaay iti makabaro a pamay-an para iti pormulasion ken pannakatanor iti probiotic kas kadagiti inumen, probiotic a makan, ken parmaseutika a pormulasion manipud kadagiti lokal a mula iti maysa nga holistiko a Sistema iti makan),” kuna ni Agrupis.

Dagiti ramen a proyekto ket kabilangan iti pagannayasan kadagiti probiotic manipud katutubo a mulmula nga agbagas, lungboy, bawang ken rabong, ken tutot ti nipa idiay Ilocos Norte babaen ti MMSU. Para iti Ilocos Sur ket iti pannakatanor kadagoto probiotic manipuc yacon, tebbeg, ken allagat babaen iti ISPSC, bayat nga para iti La Union ket pannakatanor kadagiti probiotic manipud
rosella, moras (mulberry), ken mais idiay DMMMSU.

Malaksid iti panangpapigsa iti siensia, teknolohia, ken kapasidad iti inovasion para kadagiti sistema ti probiotic a makan dagiti state universities, manamnama met a suportran ken sanayen iti research program dagiti sabali pay a research institutions ken micro, small, and medium enterprises (MSMEs) iti panaginkubasion ken panagkomersio kadagiti proukto a probiotic.

“We are grateful to CHED for investing in research and development toward food security, sustainable agriculture, good health and nutrition, and economic development in line with the Agenda of Prosperity of President Ferdinand R. Marcos Jr (Agyaman kami iti CHED iti panagpuonanna iti panagsukimat ken panagdur-as papan iti seguridad ti taraon maitunos iti Agenda of Prosperity ni Presidente Ferdinand R. Marcos Jr.),” innayon ni Agrupis.

(MJTAB PIA Ilocos Norte/PMCJr.- ABN))