PLEX MAKITA A MANGPADUR-AS ITI PANAGRANG-AY TI EKONOMIA TI PANGASINAN

October 27, 2023 Headlines

LINGAYEN, Pangasinan

Manginanama iti gobierno probinsial ti Pangasinan maipapan iti panagrang-ay ti ekonomia nga
ited iti pannakaipatungpal ti 42.76 kilometro nga uppat-atawen a poyekto a Pangasinan Link Expressway (PLEX). Daytoy ket kalpasan a pirmaan ni Pangasinan Governor Ramon Guico III idi
napalabas nga Huebes iti joint venture agreement ken tollway concession agreement kadua ni San Miguel Holdings Corporation (SMHC) President ken Chief Executive Officer Ramon Ang para iti
pannakaibanag iti expressway project a mangkonektar ti makinlaud ken makindaya a paset ti probinsia.

Imbaga ni Governor Guico nga ti proyekto ket mangbalbaliw iti Pangasinan gapu ta naiplano daytoy a mabaliw iti transportasion ken pabaknangen ti buya ti turismo, ipangpangruna iti nalaka nga ituturong dagiti umili kadagiti kangrunaan nga ili ken siudad, panangpadakkel kadagiti
gundaway iti negosio ken pagbiag, panagpaadu kadagiti aktibidad ti ekonomia, panangibangon ti ad-adu nga imprastruktura, panangpalagan iti panagbiahe iti intero a probinsia, ken panangsalaknib kadagiti gameng ti aglawlaw ti probinsia.

“This started as a dream years ago. So it was a challenge but after a year and four months, today, we realized that dream. We actualized the partnership that our province has nurtured and treasured
with San Miguel Corporation (Nangrugi daytoy kas arapaap tawtawen ti napalabasen. Isu nga karit daytoy ngem kalpasan ti makatawen ken uppat a bulan, ita, natungpaltayo daytoy nga arapaap. Impatungpalmi ti panagkakadua a tinaginayon ken tinagipateg ti probinsia ken ti San Miguel Corporation),” kinuna ni Guico.

Apaman a malpas ti proyekto, imbaga ti gobernador a mangipaay daytoy iti abababa nga oras ti panagbiahe para kadagiti turista, agindeg, ken dagiti transporter manipud Binalonan agingga Lingayen para Phase I ken Lingayen agingga Alaminos City para iti Phase II. “Para iti Phase I ti
proyekyo, iti oras ti panagbiahe manipud ili ti Binalonan agingga Lingayen ket agbalin nga 20-30
minuto manipud maysa oras agingga 30-45 minutos,” kinunana. Dagiti paset ti proyekto ket
manipud Binalonan agingga Manaoag, 6.9 km; Manaoag agingga Calasiao, 11.3 km; Calasiao a paset, 2.39 km; ken Calasiao agingga Lingayen, 22.7 km.

Kabayatanna, imbaga ni Ang nga iti PLEX project ket mangrugi kalpasan a nakompleto ti gobierno
probinsial iti panaggatang ti road right of way. “Itong project na ito ay P34 billion. At no cost to the
government, no government subsidy, or guarantee and yet San Miguel will give Pangasinan 70% sharing,” kuna ni Ang, imbagana pay nga iti SMHC ket nangipuonan iti Pangasinan gapu ta maysa
daytoy kadagiti progresibo a probinsia ti Luzon. Innayonna a kalpasan iti 35 a tawen ti operasion, iyalis ti SMHC ti intero a proyekto iti gobierno probinsial.

Pinadayawan ni Department of Tourism (DOT) Ilocos Regional Director Joseph Francisco Ortega iti proyekto ta ad-adda pay a maparegta iti industria ti turismo ti Ilocos Region. “Sobrang sikat dito
(Western Pangasinan) pero ang karamihan ng turista natin na manggagaling ng Manila napapagod pa dahil from TPLEX (Tarlac–Pangasinan–La Union Expressway) umabot pa ng two to three hours ang biyahe. So with this project (PLEX), maka-cut short na ang biyahe ng mga tao. Kaya gustong gusto po natin ito sa tourism, kasi we can invite more people to come here,” kinuna ni Ortega.

Impasigurado met ni Ortega a nakasagana iti DOT para iti panagrang-ay, ta kitkitaenda ti ad-adda a panagrang-ay dagiti aktibidad ti turismo iti laud a Pangasinan a mangtignay kadagiti dadakkel
a gundaway para ti sektor ti turismo. Mabigbigen iti laud a Pangasinan gapu kadagiti tourist spot daytoy, kas iti Hundred Islands National Park ken Mangrove Eco Park iti Alaminos City, panagbuya
kadagiti tumatayab idiay Bangrin Marine Protected Area iti ili ti Bani, rock formations kas iti Umbrella Rock ti Agno, Giant Clam Nursery, Enchanted Cave ken falls ti ili ti Bolinao, ken iti white sand beaches kadagiti aplaya daytoy, ken dadduma pay.

(EMSA/PIA Pangasinan/PMCJr.-ABN)