Polis ti Ilocos rinakrakda ti maysa nga illegal drug group

November 29, 2020 Headlines

SIUDAD TI SAN FERNANDO, La Union – Rinakrak dagiti operatiba ti polis iti maysa a nadangkes nga illegal drug group nga adda operasionda iti Rehion 1 iti maysa a buy-bust operation sadiay Barangay Urbiztondo, San Juan, La Union idi Mierkoles.
Bayat iti operasion, naaresto dagiti polis iti maatap a lider iti grupo nga nabigbig a ni Christian Casugay Rivera, 29, ken iti tallo a kaduana nga nabigbig kas sa Harvey Munar Singson, 40; Medrick Arafiles Dela Cruz, 21; ken Michelle Leria Luken, 23.
Naalaw manipud kadagiti maatap iti maya a pidaso nga plastic sachet nga addaan nilaonna a maatap nga shabu; maysa a pidaso ti pudno a 1,000 piso (marked money); dua nga Uzi a paltog; maysa a Granada; uppat a caliber .22 nga pistol nga nakargaan iti magazines ken balbala; dua a caliber .45 pistola nga nakargaan ti magazines ken balabala; maysa a replica ti Magnum 357 rebolber; naduma-duma a magazine ken balbala; tallo nga handheld radio; innem a cellphones; 21 pidaso ti heat-sealed transparent plastic sachet nga adda kargana a white crystalline substance a maatap nga shabu nga addaan napattapatta a kadagsen nga 20 gramo; digital weighing scale ken naduma-duma a drug paraphernalia.
Maibatay iti pagalagadan ti Dangerous Drug Board (DDB), dagiti naalaw a maatap nga shabu ket napattapatta nga addaan gatadna nga PhP136,000.00.
Naalaw pay dagiti polis iti maysa a caliber .9 mm Taurus pistol nga nakargaan ti 6 a bala; uppat a cartridge cases ti .9mm pistol; lima a fired cartridge cases para iti caliber 5.56; ken maysa a deformed fired bullet.
Kinuna ni Police Captain Gerardo M. Macaraeg Jr., chief of police ti San Juan, La Union nga dagiti maatap ket natiliw iti inaramid ti polis a buy-bust operation ken panagserbi iti Warrant of Arrest iti sidong ti Criminal Case No. 13725 nga imparuar ni Judge Victor O. Concepcion ti RTC Branch 66, San Fernando City, La Union maikontra kenni Christian C. Rivera para iti Violation of Section 5, Article II of Republic Act 9165.
Ni Rivera ng nabigbig a kas lider iti Rivera Drug Group nga addaan operasion iti Rehion 1, ket isut maan-anup gapu ti naipadamag a pannakaramanna iti negosio ti iligal a droga ken sabali pay a kiminal a kaskaso.
Bayat iti pannakaipatungpal ti Warrant of Arrest, sigun kenni Macaraeg, maysa kadagiti maatap nga nabigbig a ni Harvey M. Singson ket pinaltoganna dagiti umarestar a polis nga nangtignay kadagiti operatiba nga agpaputok met. Nupay kasta, awan ti uray maysa ti nadangran iti panagsisimmukat ti panagpipinnaltog.
Dagiti naaresto a drug personalities ken naalaw nga bambanag manipud lugar ti insidente ket adda sidong ti panangaywan itan ti San Juan Police Station. “Appropriate charges against the suspects are now being prepared for filing in court,” kuna ni Macaraeg.
Kabayatanna, dinayaw ni Police Brig. Gen. Rodolfo S. Azurin Jr., regional director ti Police Regional Office 1 (PRO1) iti panagregget ti lokal a polis ti La Union iti naballigi a panangrakrak iti maysa kadagiti nadangkes a grupo ti iligal a droga iti rehion. Kinuna ni Azurin nga dagiti naaramidan ket maitunos iti masnup a pendido iti PNP Chief Police General Debold M. Sinas nga ipamaysa dagiti naiparegta nga operasion ti polis iti anti-illegal drugs babaen ti pannakaaresta dagiti highvalue targets wenno indibidual karaman iti kakaduada ken networks. “Let us continuously sustain the momentum on the intensified campaign against illegal drugs and bring this campaign successful for our community people whom we are sworn to serve and protect,” kuna ni Azurin iti maysa a press statement.
FGL-PIA 1/PMCJr.-ABN