Rigudon…!

October 14, 2019 Sirmata ken Tagtagainep ni Mang Gusting

Naimbag a malem, agsapa, wenno rabii yo amin kakaarruba, gagayyem ken kaginginnura hehehe…sapay la koma ta napia kay latta a kanayon nangruna kadagiti sukimi iti ABN READERS…. Mag-an kayo met kadagiti luglugar yo…? Kumusta metten ti biag tayo kailian…Sapay ka koma ta napia kayo latta a kanayon..

Bayat a masursurat daytoy kolum tayo, adda ti pagbutbutngan nga umadak iti masakupan ti pagilian tayo..aawan sabali no saan a ni hagibis..ti naipadamag a super bagyo isu nga agkararag tayo ta sapay la koma Apo ta saan a dumaw-as iti daga ti Pilipinas..Ngem kas iti nakunami, sapay la koma ta saanen a dumagas ta di ket adu manen ti maperhuisio…

Iti napalabas wenno ti nalikud a kolum tayo…nadakamat tayo ti kabaraan pay laeng a damag ti isyu maipanggep iti kaadda kanu dagiti NINJA COPS..asino dagitoy kailian? Isuda kanu dagiti maatap nga agireprepak kadagiti natiliwda a shabu…isu ti kabaraan pay laeng a damag ita..agririgodon dan ta kasla agtitinnodo wenno agpipinnabasolda iti maangangay a hearing wenno pananglawlawag ti senado iti nasao nga isyu agsipud ta adda kanu pannakairaman dagiti nangangato nga opisyal ti polisia..

Sus maria kusina…ngem natural, agingga iti saan a mapaneknekan ti korte ken adda nabatad nga ibedinsia kontra iti maitudtodo, agtalianed a not guilty daytoy..ngem ala, sapay la koma ta malpasen dayta a rigodon ta sanguen metten dagiti mammanday linteg tayo wenno senador ti trabahoda kas mammanday linteg ta dagiti koma metten pagimbagan ti umili ti sanguenda…adu manen dagiti mangibagbaga a no adda kanu ebidensia kontra iti maatap wenno kadagiti maatap, maidataganen iti kaso iti korte ta sadiay a mapalotpot wenno maadal dagiti maidatag nga ebidensia..ket no mapaneknekan, ikulong..maipataw kenkuana ti umiso a dusa a katukad ti nagbasilanna, ania man ti estadona iti biag.

Adu dagiti negatibo a reaksion dagiti kailian maipapan iti kastoy a kaso..kunada..no kanu nangato a tao wenno opisial ti maatap a mainaig it maiparit a droga, adu a koskos balongos ken pannakaitantan ti imbistigasion apagangayanna, mayaw-awanton idinto ta no nakurapay wenno gagangay laeng nga umili ti maatap a nainaig iti maiparit a droga, kalabuso a dagus..kulong.

Kabayatanna, dap-awn tayo man met damag lokalidad kailian…maisingsingasing wenno maplan-plano ti pannakaaramid dagiti sidewalk kadagiti kalsada iti siudad…napintas daytoy a gakat..ngem kasanu ngay kadagiti city road ken barangay road kadagiti nagduduma a barangay iti siudad..adu dagiti na-palawa wenno na-road widening ngem, nagpaay laeng a paradaan dagiti lugan…Nupay kasta, dakkel ti naipaay wenno nagbanagan ti naibilin a pannakawaya wenno pannakaikkat dagit makuna nga obstructions kadagiti kalsada ken sidewalks kadagiti kalsada nga agpapan kadagiti barangay..ngem, kas intay napaliiw, adda manen dagiti sulpeng a motorista wenno kailian tayo a parking ditoy pakring manen idiay..nupay kas pagaammo tayo, adda dagiti barangay officials a pakairamanan dagiti barangay tanod ti na-deputized nga agbaklas kadagiti plaka ti lugan…ti intay koma,isingasing..adda oras a panagparada ken pannakaikkat dagitoy a lugan wenno illegal parking.

Ta no madanun dayta nga oras ket saanda pay laeng nga inikkat dagita a lugan..maikkatan iti plaka ken masampolan koma pay iti towing tapno agpanunotda met…ta manu met laengen ti multa ti mabaklasan plaka..isu a kasla awan aniamanna nga uray maikkat plakada…ala..kasta la ti biag a kunada..no adda kubbo adda kiad..no matay agunnat..hahahaha O p s s s s s … . a l l a , Kakayong…kasta pay ta ne…naimasan tayo m a n e n . . n a l i p a t a k metten..mapan kami pay gayam agkape kada bro lito ken editor idiay ayuyang dagiti dual citizen a barkadami piman…babayoooo…tsuptsup muahmuahh…..