SA PAGPAPALIBAN NG PAGLALAGAY NG TACTILE, MATITIGIL NA RIN KAYA ANG ISYU?

Aug 27, 2022

Bilang isang PWD-friendly city ay isinulong ng lokal na gobyerno ng Baguio ang paglalagay ng mga “tactile pavements” sa lungsod bilang pagtupad sa obligasyon nito na siguruhin ang kapakanan at kapanatagan ng persons with disability (PWDs) sa bisa ng Batas Pambansa 344 o ang An Act to Enhance the Mobility of Disabled Persons by Requiring Certain Buildings, Institutions, Establishments and Public Utilities to Install Facilities and other Devices.

Inirekomenda ng pamahalaang lungsod sa department of public works ang paglalagay ng tactile sa mga pangunahing sidewalk sa iba’t-ibang bahagi ng lungsod bilang bahagi ng walkability initiative ng lungsod. Itinulak ito na isang bahagi ng programang pagpapahusay ng mga daan na para sa benepisyo ng mga may diperensiya sa mata.
Subalit kauumpisa pa lamang ng proyekto noong 2020 na kung saan sa mga panahon ng tuloytuloy na pag-ulan ay umusbong ang mga isyu sa tactile.

Nagkaroon noon ng katanungan at pagdududa kung katanggap-tanggap nga ba ang nasabing tactile sa mga sidewalk na dahil na rin sa mga aktuwal na karanasan ng mga tao sa tactile ay nagbunsod ng pag-iingay kung saan may mga nanawagan na agad tanggalin na ang mga ito upang maiwasan ang anumang masamang mangyayaring insidente na magiging banta sa kaligtasan ng mga tao na dumadaan dito. Nagkibitbalikat noon ang pamahalaang lungsod at iginiit na ang tactile na ginamit sa proyekto ay naaayon at sumunod sa international standard at may mga wastong pamamaraan daw upang gamitin ito at hindi raw dapat apakan.

Sandaling nawala ang isyu hanggang sa nitong mga nakaraang linggo ay muling nabuhay ang isyu dahil sa ilang magkakasunod na mga insidente ng pagkakadulas sa mga nasabing tactile, at ang mga naging biktima at nasaktan ay mga walang-kapansanang residente. Umugong muli ang mga pagpuna at pagbatikos lalo na sa social media. Sa una ay naniniwala tayo na may mga pagkukulang nga sa bahagi ng mga nagpapatupad lalo na siguro sa pagbibigay kaunawaan sa publiko sa tamang paggamit ng tactile.

Patuloy na dinedepensahan ng lungsod ang paglalagay ng tactile sa mga sidewalk at sinabing hindi kailangang tanggalin ang mga ito bakus ay maghanap ng mga paraan upang mapahusay pa ito at mabawasan ang pagiging banta nito sa disgrasya lalo na ang pagiging madulas nito kapag nababasa. Pati ang Person with Disability Affairs
Office (PDAO) at Baguio Federation of Organizations of Visually-Impaired Persons (BFOVIP) ay nagsabing malaking tulong ang tactile sa kanila at wala pa namang naaaksidente sa kanilang hanay. (Kailangan pa kaya ng may maaksidenteng may kapansanan sa paningin para mag-iba ng pananaw?)

Wala po namang problema sa kalidad ng tactile na inilalagay dahil sa kagustuhan ng pamahalaang lungsod na makasabay ang lungsod sa kaunlaran ng ibang mga bansa at ngayon pang nakikilala na nga ang Baguio sa buong mundo ay tiyak namang de-kalidad ang kanilang binili na ayon nga sa kanila ay umaayon sa “international standards” ang mga ito. Ang nakakapanghinayang lang ay ang pagkabigo ng lungsod na itaa ang kaunawaan ng publiko ukol sa proyekto na bago sana nila ito ipinatupad ay nagawa na ito, hindi man isandaang porsiyento kundi kahit man lang sa nakakarami.

Tunay na kailangan ng matagal na panahon upang makasanayan ng mga tao ang paggamit at pagdaan sa tactile, at yamang naumpisahan na ay kailangan ipagpatuloy pa rin ang pagbibigay ng tamang impormasyon at paalala ukol dito. Kung napuputakte man ang pamahalaan ng lungsod ng mga puna at batikos ay huwag sanang maging maramdamin bagkus ay maging paraan ito upang magising tayo sa katotohanan at magkaroon ng pinaka-maayos at
katanggap-tanggap na solusyon.

Hindi naman kailangang ipilit na dapat ang tao ang makibagay sa teknolohiya nang ganunganun na lamang, kailangan ng panahon upang masanay ang publiko. Tama rin na maiiwasan ang aksidente subalit kung ang mismong paglalagay ng tactile na hindi angkop sa uri ng mga daan sa lungsod ang magdudulot ng aksidente ay ibang usapan na ito dahi wala naman sigurong tao na nagnanais isuong ang sarili sa panganib makaayon lamang sa teknolohiya.

Tunay na maganda ang layunin ng proyekto para sa ating kababayang may kapansanan bagaman kaunti lamang sila kung ihahambing sa mas nakakarami ay dapat magkaroon ng pantay-pantay na benepisyo sa kaunlaran. Ang mahirap lamang tanggapin ay ang paulit-ulit na pagkukumpuni at abala sa mga daan kapag inaayos na ang mga ito, gayundin ang walang tiyak na solusyon na inilatag bago ito muling ipatupad.

Mabuti naman at naunang sinuspinde ng DPWH ang proyekto na sinundan ni Mayor Benjamin Magalong na ipagpaliban muna ang paglalagay ng tactile upang makahanap ng mas ligtas na mga uri ng tactile para maiwasan ang anumang posibleng aksidente. Magandang balita ito dahil kapag tumagal pa ay baka mas lalong lumaki pa ang
gastos at abala. Bilang panghuli ay, habang umuunlad ang lungsod ay kailangan ding paunlarin ng tao ang disiplina dahil kasama ang mga residente sa kaunlaran.

RELATED POSTS

SANA LAGING MAY GAMOT SA BARANGAY

SANA LAGING MAY GAMOT SA BARANGAY

Alinsunod sa Artikulo XV, Seksiyon 4 ng Saligang Batas, tungkulin ng pamilya na alagaan ang matatandang miyembro nito habang ang Estado ay...

NO STORY

NO STORY

Ang mga “informer” ay kadalasang ginagamit sa mga kaso ng organisadong krimen. Ayon sa United Nations Office on Drugs and Crime (UNODC),...

LATEST NEWS

CONCRETE PLANT COMPLIED WITH DENR-RECOMMENDED MITIGATING MEASURES

CONCRETE PLANT COMPLIED WITH DENR-RECOMMENDED MITIGATING MEASURES

BAGUIO CITY (November 28, 2022) -- Triple A public works contractor Phesco Inc., operating a concrete batching plant in Sablan, Benguet, insists it has instituted mitigating measures averting earlier complaints of concrete spillages into the drainage system in sitio...

TATLONG MAGKAIBIGAN ARESTADO SA KASONG PANGGAGAHASA SA KALINGA

RIZAL, Kalinga - Tatlong magkakaibigan na pawang sangkot sa panggagahasa noong 2011, ang inaresto ng mga tauhan ng Rizal Municipal Police Station, dakong alas-5:20 ng hapon, habang naghihintay ng bus papuntang Tuguegarao City sa junction ng Barangay Liwan. Kanluran,...

DEPAP

DEPAP

Men from the 13 municipalities of Benguet participate in the traditional pig catching as part of the Grand Canao event of the 122nd Benguet Foundation Anniversary thru the Adivay Festival at the Benguet Sports Complex on Wednesday. November 23, 2022. RMC PIA-CAR

IT BEGINS

IT BEGINS

Members of the Fil-Am Golf Invitational executive committee pose with Baguio mayor Benjamin Magalong after the ceremonial tee-off at the Baguio Country Club Thursday, Nov. 24 that signal the starts of the 72nd edition of the worlds largest amateur golf tourney. Some...

10 DRUG PERSONALITIES, NALAMBAT SA OPERASYON SA CORDILLERA

LA TRINIDAD,Benguet -- Arestado ang sampung drug personalities sa isang linggong anti-illegal drugs operation ng Police Regional Office-Cordillera na isinagawa mula Nobyembre 13 hanggang 19. Sa talaan ng Regional Operations Division (ROD) ng PROCOR, anim na drug...

BARANGAY MERGING ISINUSULONG NA SA LUNGSOD NG BAGUIO

BAGUIO CITY – Inaprubahan na sa unang pagbasa ng Sangguniang Panlungsod sa kanilang regular session noong nakaraang Lunes ang iminungkahing ordinansa na nag-aapruba sa pagsasanib ng 128 barangay ng lungsod mula sa 34 barangay lamang, na napapailalim sa mga limitasyon,...

MINE SAFETY FIELD DEMO

MINE SAFETY FIELD DEMO

The Philippine Mine Safety and Environment Association held its Mine Safety Demo and Competition at the Melvin Jones football field. Mining companies all over the country demonstrate their skills in Mine Safety and first aid response during the COVID-19 Pandemic....

ARCHIVE

CONTACT US FOR YOUR ADVERTISEMENTS

MASTHEAD

Amianan Balita Ngayon

Pin It on Pinterest