Siputan dagiti emosional a mariribukan a polis: PNP chief

July 5, 2021 Headlines

LINGAYEN, Pangasinan – Igunamgunam ni Philippine National Police (PNP) chief Gen. Guillermo Eleazar kadagiti opisial ti polis a siputanda dagiti pannakaiparangarang iti emosional wenno problema ti isip ken dagus a tamingenda dagitoy.
Iti maysa a press conference idi Mierkoles (Hunyo 30) bayat iti isasarungkarna ditoy, kinuna ni Eleazar nga dagiti personnel ket mabalin a maipasidong iti maysa a psychiatric-psychological examination (PPE) apaman nga agparang iti pagilasinan ti emosional wenno problema ti isip.
“Neuro-psychiatric tests are required for applicants and for police for their promotion or schooling. But at any given time based on our policy, if any personnel based on observation is mentally or emotionally challenged, (they) should be reported and undergo the test,” kunana.
Kinuna ni Eleazar nga ilepleppas iti Health Service Office ti PNP dagiti singasing iti PPE nga ikonkonsiderana iti test uray kada tallo a tawen kas paset ti pamuspusan tapno mapasayaat pay iti sapasap a pagimbagan dagiti miembro ti PNP.
Daytoy ket kalpasan iti pasamak a nakairamanan ni Master Sgt. Reynante Dipasupil a nabartek daytoy ken nag-amok ken kamaudiananna, napapatayna iti maysa a kaduana ken nadangran iti maysa pay.
“But there is a need for the monitoring of commanders and squad leaders because they know well the personnel and for them to immediately report so that we could apply intervention,” kunana.
Iti kaso ni Dipasupil ket napasamak kurang a nakabulan kalpasan nga maysa pay a nabartek nga polis pimmaltog iti maysa a babai sadiay Fairview, Quezon City.
Disiembre idi napalabas a tawen, pinaltogan ti maysa a polis ti Parañaque dagiti dua a kaarrubana sadiay Tarlac kalpasan nga nagreklamo daytoy ti kinaariwawa dagiti kaarrubana.
(HA-PNA/PMCJr.-ABN)