Solid waste management drive inyusuat ti gobierno ti Ilocos Norte

October 19, 2019 Headlines

SIUDAD TI LAOAG – Iti rangta para iti napadegdeg a kari para iti panakatalimeng ti aglawlaw, inyusuat ti gobierno ti probinsia ti Ilocos Norte iti maysa a solid waste management program ti intero a probinsia nga maawagan ng “Narimat nga Aglawlaw” idi Oktubre 4 sadiay Barangay Casili ditoy a siudad.
Daytoy nga information campaign ket umawag iti naananay a pannakitunos dagiti komunidad iti panagtulnog ti Republic Act 9003 wenno “Ecological Solid Waste Management Act of 2000.” Iti panangdangulo ni Governor Matthew MarcosManotoc, imbagana iti seryoso nga kasapulan unay iti panagtungpal iti umno a panangtaming kadagiti basura dagiti komunidad.
“Maipaspasango ita ti lubong iti maysa a krisis ti plastik. Dagitoy nga plastik ket saan na laeng nga dadaelen ti aglawlaw tayo no di pay ket madangran tayo,” kuna iti ubing a gobernador. Iti seremonia ti panangyusuat ket tinabunuan dagiti lokal nga opisiales ti gobierno tapno maisuro kadakuada iti umno nga panangtaming iti basura ken kalpasanna maited met dagitoy nga impormasion kadagiti umili.“
Panawenen tapno paneknekan tayo nga kabaelan tayo nga aywanan saan laeng nga iti aglawlaw tayo no di pay ket iti probinsia tayo,” panangkarit ni Gov. Manotoc kadagiti lokal nga opisiales.
Idagdagadag ni Victor Dabalos, Provincial Environment and Natural Resources Officer iti naananay a panakitunos dagiti komunidad nga iruamda nga aramiden iti umno nga panaglalasin ti basura iti pagtaenganda.
Kas mangipasimudaag ti karida para iti proteksiyon ti aglawlaw, insapata ti kari dagiti opisial ken dagiti nakipaset babaen ti panagpirmada iti Environment Covenant. Kalpasanna, indemostra dagiti mayor ken barangay chairmen iti umno a panaglalasin iti basura iti panaglasin iti marunaw ken saan a marunaw nga materiales ken ibellengda kadagiti maitutop a pagbasuraan.
Kas panangulit iti panagawagna para iti panangsalaknib iti aglawlaw, pinalpas ti gobernador iti panagsaona iti panagparegta ti suporta ti publiko iti parmatana para iti probinsia.
“Iti nadaldalus a probinsia ket maysa a nasalsalun-at nga probinsia. Pudno, itan iti tiempo,” inleppasna.
 
MJTAB-PIA-IN/PMCJr.-ABN