SUBSIDIO DAGITI STUDIANTE TI KOLEHIO SILULUKATEN SADIAY ILOCOS NORTE

August 26, 2023 Headlines

SIUDAD TI LAOAG, Ilocos Norte

Dagiti aplikasion para iti Tertiary Education Subsidy (TES) program idiay Ilocos Norte ket nakalukaten tapno matulongan dagiti marigrigatan nga estudiante ti kolehio ditoy a pinansial a
masustiner iti panagadalda. Silulukat kadagiti amin a naka-enroll a Filipino undergraduate students, mabalakadan dagiti aplikante a mangisubmitir iti letter of intent kenni Rep. Ferdinand Alexander “Sandro” Marcos, kakuyog iti certificate of enrolmentda ken billing para iti first semester ti academic year 2023-2024.

“We are now accepting TES applications from District One (Umaw-awatkamin iti TES applications manipud District One),” kuna ni Marcos iti maysa a pagsasao idi napalabas a Lunes bayat nga imbilinna kadagiti kualipikado nga estudiante nga agaplikar para iti programa programa. Iti program a TES ket ipatpatungpal ti Unified Student Financial Assistance System for Tertiary Education ken iti Commission on Higher Education.

Iti TES ket maysa a grantsin-aid program a nagbalin a possible babaen iti Republic Act 10931 wenno iti Universal Access to Quality Tertiary Education Act, nga institusionalisaren ti libre a
matrikula ken exemption manipud dadduma a bayadan iti state universities and colleges (SUCs), ken kadagiti lokal a unibersidad ken kolehio iti Pilipinas. Idi damo, iti administrasion ni Presidente Ferdinand R. Marcos Jr. ket nangilatang iti PhP138.77 billion para kadagiti programa ti higher education karaman dagiti subsidia dagiti estudiante ken libre a matrikula kadagiti state universities ken colleges iti sidong ti 2023 General Appropriations Act.

Iti gatad ket mabingaybingay kadagiti SUCs nga addaan PhP107.04 billion, ken iti CHED nga addaan PhP31.73 billion. Idiay Ilocos Norte, rinibu nga estudiante iti manggungundaway iti daytoy
a programa babaen ti opisina ni Rep. Marcos. Para kadagiti state universities, tunggal
benepisario a karaman iti lowincome bracket ket kualipikado para iti tulong pinansial a
PhP40,000 kada school year.

Dagiti grantees (benepisario) manipud kadagiti pribado nga institusion, iti sabali a banda, ket makaawat iti dakdakkel a kantidad, a saklawen ti PhP20,000 para ti matrikula ken kanayonan a
PhP40,000 nga allowance kada academic year. “Segseggaak ti mangala iti educational subsidy tapno tulongan ti ikitko nga agpadpaadal kaniak,” kuna ni Christian Galvez, 20, ti Barangay 57 Pila, Laoag City ken maysa nga estudiante ti BS Criminology sadiay Data Center College ti Laoag.

Ti gatad, kunana, “ket dakkel a tulong para iti transportasionko ken living allowance” ta agpannuray laeng iti kita ni ikitna manipud iti negosio ti animal ken natnateng sipud ta naulila daytoy iti kinaubingna.

(LA-PNA Ilocos/PMCJr.-ABN)