TALLO A “POI” MAATAP ITI NAKAAM-AMES A PANANGPAPATAY ITI DUA A BABAI A NAIBELLENG SADIAY BENGUET

November 12, 2022 Headlines

TUBA, Benguet – Kitkitaen iti policia iti ili ti Tuba, Benguet iti tallo a “person-of-interest” maipapan iti nakaam-ames a panangpapatay iti dua a balasitang nga naibelleng iti maysa a rangkis idiay Marcos
Highway, Tuba, Benguet idi Oktubre 31. Saan a nainaganan iti tallo, imbaga iti policia ti Tuba nga ar-aramidenda amin iti kabaelanda tapno maammuan iti pudno iti panangpapatay, nga maitunos dayta, ket napasamak idiay baba ken naibelleng laeng idiay Benguet tapno ulawen dagiti imbestigador.

Da Andrea Rabara Quiros, 19, anak iti maysa a polis a naidestino idiay Pozzorobio, Pangasinan ken kasinsinna a ni Anika Columbino Principe, 16, pada a manipud San Vicente, Urdaneta City, Oangasinan ket nasarakan a naibelleng sadiay sitio Inomas, Barangay Taloy Sur, iti Marcos Highway, ili ti Tuba male midi Oktubre 31.

Naigalut a kas baboy iti dua ken nabusalan dagiti bibigda. Dagiti operatiba iti lugar ti krimen ket naduktalanda pay a maysa a mata ni Principe ket mapukpukaw ken maysa a nauneg a piglet ket nabatad iti mugingna a mangipakita a mabalin a naparigat daytoy. Awan iti met iti sugat iti bala wenno sugat maigapo iti kutsilio a nakita kadagiti biktima.

Dagiti detalye nu kaano a mapukpukaw iti dua a balasitang ket saan pay la a nalawag, imbaga ni Tuba
police chief investigator Chief Master Sergeant Alejo Guesaed, innayonna a kiniddaw iti ina ni Principe a
makali iti bagi ti anakna tapno maammuan pay ti ad-adu iti panangpapatay. Addan pagaammo iti National Bureau of Inves tigation-Cordi lle ra maipanggep iti pammapatay ket mangikonkondukta daytoy iti maysa a katupag a panangsukimat iti panakitinnulong iti lokal a policia.

(AAD/PMCJr.-ABN)