VCM, CCS para Mayo 13 naituloden sadiay La Union

BACNOTAN, La Union – Dagiti Vote Counting Machines (VCM) ken Canvassing and Consolidation System (CCS) laptop units nga nailatang para kadagiti 787 clustered precincts sadiay probinsia ti La Union ket naituloden idi napalabas nga Domingo, Abril 21 a kas
panagsagana iti umadani nga mid-term elections.
Dagiti VCM ken CCS units ket naidulin tapno maitalimengda sadiay ili ti Bacnotan nga naituding ti Commission on Elections (Comelec) a kas provincial hub.
Kinuna ni Provincial Election Supervisor Alipio Alonzo Castillo III nga personal nga nangsukimat iti panangdiskarga kadagiti makina nga, “Naimimbag nga nakasagana tayo ken addaan umdas a tiempo nga mangireport nu adda kurang nga makina wenno addaan aniaman nga problema kadagiti makina.”
Iti F2 Logistics Phils. Inc., maysa a pribado nga kompania iti nangitulod kadagiti makina manipud national warehouse ti Comelec idiay Sta. Rosa, Laguna.
Innayon pay ni Castillo, “Naitulod met iti 84 VCM ken CCS units a kas reserba nu addaan man di mapakadaan nga insidente wenno problema iti actual ng VCM nga mausar.”
Dagiti nasao nga VCM ken maitulod kadagiti munisipalidad ken presinto tallo nga aldaw sakbay iti Mayo13 nasional ken lokal nga eleksion, uston to a tiempo para iti maudi a pannakaselio da ken panangsubok.
“Iti dayat laeng a tiempo nga dagiti makina ket malukatan ken maselioan sakbay nga mausar iti mismo nga aldaw ti eleksion.” Kinuna na.
Impakaammo na pay nga addaanto sumagmamano nga kaadaywan nga babarangay manipud pito nga ili ken maysa nga siudad sadiay La Union nga addaan nasapsapa nga pangangitulod dagiti makina.
Dagitoy nga barangay ket adda sadiay Aringay, Agoo, Bagulin, Burgos, Santol, San Gabriel, Sudipen, ken San Fernando City.
Impanamnama dagiti police ti probinsia ken lokal seguridad iti provincial hub agingga iti pannakaitulod dagiti makina idiay nadumaduma nga ili.
Para kadagiti natukoy nga lugar iti eleksion nga kasapulan iti dagus ken unay nga pakaseknan, kuna ni Castillo, “Kayatmi nga ipanamnama iti publiko nga mangipaay kami iti maysa nga “natimbeng nga responde” tapno maturayan ken mangsalimetmet iti situasion.”
“Saanmi nga kayat nga mammataud kadakami iti saan nga kasapulan nga alarma iti publiko iti kaadda dagiti police ken personnel ti army,” innayon na.
Naitulod met dagiti VCM para iti Ilocos Sur ken Ilocos Norte idi dayta met laeng nga aldaw.
 
PIA-1/PMCJr/ABN

Amianan Balita Ngayon