Victory Liner, humakot ng parangal sa Adobo Design Awards 2018

May 8, 2018 Community Billboard

Labingdalawang awards ang natanggap ng Victory Liner kabilang ang prestihiyosong gold award para sa kanilang short films na nagtatampok sa kultura ng Hilagang Luzon mula sa Adobo Design Awards 2018. 
Pinangaralan bilang best film ang “The Last Tattoed Women of Tanudan” na nakakuha hindi lamang ng gold award, kundi pati mga awards tulad ng Best in Show for Purpose at ang Lucille Tenazas design award for 2018. Nanalo rin ng silver awards ang nasabing short film para sa cinematography at direction.
Sa direksyon ng batikang indie director Gabby Malvar at Extra Mile Production, ang short film ng Victory Liner ay pangunahing pelikula sa Know Your North campaign ng Victory Liner upang maitampok ang mga lugar at mayamang kultura ng mga naninirahan at katutubo ng Hilagang Luzon.
Kabilang din sa Know Your North campaign ang short film na Silaki Giant Clams at Aeta of Subic na nakakuha ng bronze awards para sa cinematography, sound design, editing at direction.
Ang pamosong mountaineer Kiko Rustia ay siyang host ng mahigit labingdalawang short films na mapapanood sa website ng Victory Liner www.victoryliner.com at maaaring i-share sa internet. PR / ABN