VIGAN CITY NAKAGUN-OD ITI OUTSTANDING RATING TI EARTHQUAKE SIMULATION

March 17, 2023 Headlines

SIUDAD TI VIGAN, Ilocos Sur

Nagun-od ti Vigan City iti maysa nga outstanding rating a 95% bayat iti Nationwide Simultaneous
Earthquake Drill (NSED) para iti first quarter a napasamak idi napalabas a Huebes, Marso 9.
Inkondukta ti City Disaster Risk Reduction and Management Office (CDRRMO) iti NSED sadiay Burgos Memorial School East (BMSE) iti Siudad ti Vigan. Iti marka ket inted iti Department of the Interior and Local Government (DILG) Ilocos Sur, maysa kadagiti evaluators iti nasao a simulasion.

Iti evaluation reportda, imbagada a kadagiti pakatampokan a nabalakadan dagiti estudiante a
mangitugot iti helmet idiay pagadalan kas preventive measure kalpasan iti Hulio 27 a gingined idi
2022. Insingasingda met iti gobyerno ti siudad a “palawaen iti sakopda tapno makaparnuay pay iti ad-adu a nasanay a responders ken dagiti sabali pay a maseknan a tuladen iti nasayaat nga aramid.”
Iti mapukpukaw a 5 puntos iti rating, tinukoyda nga dagiti nakipaset ket inaramidda iti single-file
formation imbis nga iti “buddy-buddy” system bayat iti evacuation phase. Imbaga ni DILG provincial director Randy Dela Rosa iti maysa nga interbiu a kalpasan iti preparedness drill nga iti performance iti pagadalan ket “asideg a perpekto”. “Addaan kami laeng iti sumagmamano a rekomendasion para mapasayaatda pay.

Unay a realistiko, nangruna iti partisipasion dagiti estudiante a nagparang a kas biktima kabayatan iti daytoy nga exercise,” kunana. Innayonna, “No posible laeng, markaanmi isuda iti labes 100%. Nakasaganada, manipud kadagiti alikamen, personnel, skills, competyemcy, ken kinasagana iti eskuelaan.” Iti NSED ket maysa a quarterly simulation nga inaramid iti National Disaster Risk Reduction and Management Council (NDRRMC) tapno ipangto iti linaammo ken nayunan iti kinasagana gaditi tattao kadagiti didigra, kangrunaan dagiti gingined.

Sigun kenni Milagros Alquiza, DRRM officer ti siudad, saytoy first quarter nangkondukta iti NSED idiay BMSE gapu ta isu iti katalgedan kadagiti pasilidad ti Department of Education iti siudad.
Kunana, “It is necessary to check their capacity to address an earthquake. The children performed the procedures including the duck, cover and hold, as well as those in the city hall and the barangays.”

Kabayatana, imbaga ni Lany Corpuz, principal iti eskuelaan a dagiti earthquake drills ket regularl a maararamid idiay BMSE. “We did not expect that the 251 kids would perform that well. We always have unannounced earthquake drills once a week – anytime of the day, the kids know what to do already,” kuna iti principal.

(ATV, PIA Ilocos Sur/PMCJr.-ABN)