Walang kampanya sa graduation at moving up rites – DepEd

March 30, 2019 Metro BLISTT

LUNGSOD NG BAGUIO – Pinaalalahanan ng Department of Education Cordillera Administrative Region (DepEd- CAR) noong Miyerkoles ang mga public school administrators sa kautusan na nagbabawal sa paggamit ng graduation at moving up ceremonies bilang lugar ng kampanya ng mga kandidato sa Mayo 13 mid-term elections.
“There is no prohibition to invite politicians on the said events but political figures should set themselves as examples by not making these rites as political forum, as a campaign area, for distribution of leaflets and other election paraphernalia,” ani DepEd- CAR Assistant Regional Director Bettina Aquino.
Sinabi ni Aquino na ang graduation rites ay huwag gamitin bilang political forum o maaaring maharap ang pamunuan ng paaralan sa kasong administratibo.
Nakasaad sa DepEd Order 002, s. 2019 emphasizes the strict compliance with DO 48, s. 2018, entitled Prohibition of Electioneering and Partisan Political activity, saying “no officer/employee in the civil service shall engage, directly or indirectly, in any electioneering or partisan political campaign”.
“We have reminded the administrators to make sure that the graduation will not turn out as a campaign otherwise they can be administratively charged,” ani Aquino.
Pinaalalahanan din niya ang mga opisyal ng paaralan na gawing simple subalit makahulugan, hindi magastos, walang magarbong kasuotan, o mamahaling lugar.
Dagdag pa ni Aquino na nag-isyu ang DepEd National office ng kautusan na nagbabawal ng non-academic requirements na ginagawang sapilitan bilang isang graduation requirement.
Sinabi niya na ang gastusin sa graduation ay dapat manggaling sa maintenance at operating expenses ng paaralan o iba pang pondo at hindi mula sa mga estudyante o mga magulang.
Nagtakda ang DepEd ng graduation at moving up ceremonies sa Abril 1 hanggang Abril 5.
 
(PNA/PMCJr./ABN)