10 PAGADALAN ITI ILOCOS KARAMAN ITI F2F CLASS PILOT RUN

October 31, 2021 Headlines

SIUDAD TI BAGUIO – Siam a pagadalan sadiay Ilocos Norte ken maysa sadiay Pangasinan ti makipaset iti pilot run ti face-face (F2F) classes a mangrugi inton Nobiembre 15 sadiay Ilocos Region, sigun iti Department of Education (DepEd).
Iti maysa nga online press conference iti Mierkoles (Oktubre 27), kinuna ni DepEd Ilocos Region director Dr. Tolentino Aquino nga adda iti immuna a 14 eskuelaan nga naaprubaran para iti limitado a F2F classes iti rehion ngem apaman iti naregta a pammasingked, uppat a pagadalan iti naitantan.
“Nung nagkaroon tayo ng validation, yung apat na schools ay mayroong coronavirus disease 2019 (Covid-19) cases kaya awtomatikong inalis sa listahan,” kunana iti pagsasao a Tagalog.
Maibasar iti listaan, iti Longos Elementary School (ES) laeng sadiay Alaminos City, Pangasinan iti mairaman para iti pilot run ti F2F classes.
Sadiay Ilocos Norte, dagiti makipaset a pagadalan ket iti Alao-ao Elementary School (ES), Pagddagan ES sadiay ili ti Bangui; Bicbica ES, Buanga ES, ken Godogod ES sadiay ili ti Pinili; Dumalneg ES ken Dumalneg National High School sadiay ili ti Dumalneg; ken San Isidro ES ken Cacafean sadiay ili ti Marcos.
Kinuna ni Aquino a dagiti eskuelaan ket naaprubaran apaman iti pammasingked iti National Inter-Agency Task Force for the Management of Emerging Infectious Diseases, Department of Health (DOH), ken DepEd Central Office.
“Sa pagsasagawa natin ng limited face-to-face classes, tayo ay closely monitored at ginagabayan ng DOH para matiyak na on the health side, safe ang ating mga mag-aaral at mga kawani ng DepEd,” kunana.
Kinuna pay ni Aquino a dagiti makipaset nga estudiante ket kindergarten agingga third grade.
“Base sa pag-aaral, ito ang mga mag-aaral na nangangailangan ng close supervision ng mga guro,” innayonna.
Kabayatanna kinuna ni DepEd Ilocos medical officer Dr. Romarie Castillo nga dagiti nabakunaan a mannursuro ket prioridad para kadagiti teaching assignments bayat iti limitado nga F2F classes.
Kinuna ni Castillo nga agdagup 18,209 teaching ken non-teaching personnel ti DepEd Ilocos iti naananayen a nabakunaan kontre iti Covid-19 agingga Oktubre 27.
(JJP-PNA Ilocos/PMCJr.-ABN)