2.2K a barangay iti Ilocos nawayaanen iti droga

June 26, 2021 Headlines

PANGASINAN – Agadup 2,227 a barangay iti Rehion ti Ilocos iti indeklara a nawayaanen iti droga ti Philippine Drug Enforcement Agency (PDEA) agingga Hunio 22 daytoy a tawen. Iti maysa a virtual forum Kapihan ed Ilocos iti Philippine Information Agency regional office idi Mierkoles, kinuna ni PDEA Ilocos regional director Bryan Babang nga adda itan iti agarup 702 a barangay iti rehion ti nabatbati a mawayaan.
“Our operations and other activities are ongoing to assist the local government units in clearing their villages of illegal drugs,” kinunana. Kabayatanna, kinuna ni Babang nga adda itan iti 22 Balay Silangan, maysa a reformation center para dagiti drug offenders, iti rehion.
“The Balay Silangan is more on the reformation in partnership with the Technical Education and Skills Development Authority and the Department of Trade and Industry to develop skills of
clients since the target are drug pushers who might have engaged in the illegal drug trade due to their lack of economic activity,” kuna ni Babang.
Imbaga pay ni Babang nga iti center ket mangited iti narelihiusuan wenno spiritual ken sikolohikal a ibaballaet, malaksid pay iti panagsanay ti paglaingan.
“There are 214 clients at present while there were 74 graduates from the Balay Silangan,” kinunana. Kinuna ni Department of Health Treatment and Rehabilitation Center chief health program officer Dr. Rosalina Caoile nga inramanda met dagiti pamilia ti klienteda babaen iti panangparang-ay ti spiritual ken sports fest, ken dadduma pay nga aktibidad.
(HA-PNA/PMCJr.-ABN)