20 PAGADALAN ITI REHION TI ILOCOS MABALAIN NGA AGSUBLI ITI LIMITADO NGA F2F A PANAGKLASE

February 19, 2022 Headlines

SIUDAD TI BAGUIO – Imbaga iti Department of Education (DepEd) sadiay Ilocos Region nga 19 publiko a pagadalan ken maysa a pribado nga eskuelaan iti rehion ti mabalin nga agsubli ti face-to-face (F2F) a panagklase a mangrugi Pebrero 16 bayat ti ibababa iti alert status a Level 2.
Iti maysa nga interbiu iti telepono idi Martes, imbaga ni DepEd Ilocos Region Public Affairs Unit head Cesar Bucsit a dagitoy nga pagadalan ket adda idiay Ilocos Sur, Pangasinan, ken Ilocos Norte.
“The participating students are kindergarten up to the third grade as these age groups still need close supervision by teachers and their number is still limited (dagiti karaman nga estudiante ket kindergarten agingga third grade ta dagitoy a grupo ti edad ket kasapulan pay iti nasinged a panangaywan dagiti mannursuro ken iti bilangda ket limitado pay),” kinunana.
Nakapasa dagiti pagadalan kadagiti nadumaduma a safety assessment nga inkonduktar ti DepEd ken iti Department of Health, innayonna.
Imbaga ni Bucsit nga adu pay nga eskuelaan iti rehion ti mangrugi iti limitado nga F2F a panagklase iti maikatlo a lawas daytoy a bulan ngem maysa nga opisyal a bilin wenno memorandum iti iruarda pay.
Iti maysa a pagsasao, imbaga ni DepEd Ilocos regional director Tolentino Aquino a agtartrabahoda tapno maipasigurado a dagiti estudiante, mannursuro, ken personnel ket natalged amin.“
Sa pagsasagawa natin ng limited face-to-face classes, tayo ay closely monitored at ginagabayan ng DOH para matiyak na on the health side, safe ang ating mga mag-aaral at mga kawani ng DepEd,” kunana iti immuna nga interbiu.
(HA-PNA Ilocos/PMCJr.-ABN)