24 PAMILIA TI ILOCOS NAKAAWAT ITI TULONG MANIPUD BP2 PROGRAM

February 5, 2022 Headlines

SIUDAD TI BAGUIO – Adda 24 pamilia a benepisario iti Balik Probinsya Bagong Pag-asa Program (BP2P) iti Rehion ti Ilocos iti nakaawat ti livelihood assistance grants agingga PhP50,000.
Iti maysa a text message idi Huebes, kinuna ni Reysa Pilotin focal person ti Department of Social Welfare and Development (DSWD) Ilocos Region BP2P a dagiti pamilia ket nagsubli kadagiti bukodda a lokalidad iti il-ili ti Aringay, Naguilian, San Juan, Luna, ken San Fernando City sadiay La Union.
“They all received (a) transitory family support package, livelihood assistance, and some transitory shelter assistance,” kinunana.
Iti maysa a pagsasao nga nairuar idi Mierkoles, kinuna ti DSWD Ilocos Region a dagiti nasao a pamilia ket usarenda iti tulong a naawatda tapno maitakder iti bukodda a negosio wenno mangirugi iti baro a biag iti probinisiada.
Sakbay iti panangited iti tulong, tunggal maysa kadakuada iti nakaala iti maysa a family pack manipud gobyerno ti probinsia iti La Union bayat nga iti transportasionda ket inaklon iti DSWD-1, kuna ni Pilotin iti maysa nga interbiu iti nabiit.
Inekkan ti National Housing Authority (NHA) dagiti pamilia manipud Aringay ken San Fernando City iti 40-square-meter housing units sadiay Aringay, La Union, kunana.
“They signified that they have no houses to return to,” innayonna. Kinuna ni Pilotin adagiti saan a kualipikado para iti housing grant manipud NHA ket matingiting iti Municipal Social Welfare and Development Office ti lokalidadda para iti transitory shelter aid.
“We are in coordination with the Municipal Social Welfare and Development Office of the LGU to monitor the beneficiaries. If in the future they would violate the agreement, they will no longer be part of any program,” kunana.
Karaman kadagiti rason nga imbaga dagiti nangala iti BP2P ket pannakaikkatda iti trabahoda wenno sabali a pagbirukan, saan a natalged a lugar a madamada a pagnanaedan, pannakaisarang iti pagpeggadan ti salun-at ket kinatalged, ken dadduma pay a pagpeggadan iti aglawlaw ti BP2P ket maysa a programa ti nasional a gobierno a mataming iti panagleletlet sadiay Metro Manila a mangallukoy kadagiti agnaed, nangruna dagiti informal settlers, nga agsubli kadagiti probinsiada ken matulonganda bayat iti intero a proseso.
(HA-PNA/PMCJr.-ABN)