28 WANTED PERSON NAHULI SA WEEKLONG OPERATION SA CORDILLERA
LA TRINIDAD, Benguet
Sa isang linggong anti-criminality campaign may kabuuang 28 wanted na personalidad ang naaresto, habang 62 munisipalidad naman ang nagtala ng zero crime incident mula Setyembre 29 hanggang Oktubre 5. Batay sa tala ng Regional Investigation and Detective Management Division ng PRO-CAR, naitala ng Baguio City Police Office ang pinakamataas na bilang ng mga naaresto na walong wanted katao, sinundan ng Benguet Police Provincial Office na may pitong naaresto; Kalinga. PPO na may limang arestado; Mountain Province PPO na may apat na arestado;
Apayao PPO na may dalawang arestado at Abra at Ifugao PPO na may tig-iisang arestado.
Sa 28 wanted na personalidad na naaresto, pito ang kinilala bilang Most Wanted Persons, anim ang nakalista sa Municipal Level at isa ang nakalista sa Regional Level. Ang tumaas na presensya ng pulisya ay nagresulta sa zero na insidente ng krimen sa 62 munisipalidad sa buong rehiyon at anim na istasyon ng pulisya sa Baguio City sa parehong
panahon. Sa partikular, walang naitalang insidente ng krimen sa 26 na munisipalidad sa Abra, 10 munisipalidad sa Benguet, siyam na munisipalidad sa Mountain Province, walong munisipalidad sa Ifugao, limang munisipalidad sa Apayao, at apat na munisipalidad sa Kalinga, habang sa Baguio City, Police Station (PS) 2, PS3, PS5, PS7, PS9, at PS10 ay wala ring naiulat na insidente ng krimen.
Zaldy Comanda/ABN
GIRLS DROWN AT IRRIGATION IN KALINGA; ONE DIES
October 12, 2024
