29 ILI ITI PANGASINAN AWAN REKORD NGA AKTIBO A KASKASO ITI COVID-19

March 5, 2022 Headlines

SIUDAD TI BAGUIO – Duapulo ket siam iti 48 nga ili ken siudad iti probinsia ti Pangasinan iti awan rekord na nga aktibo a kaskaso ti coronavirus disease 2019 (COVID-19) agingga Marso 3.
Iti maysa a report idi Huebes, imbaga ni Provincial Health Office (PHO) Epidemiology and Surveillance Unit nga iti daily average ti Covid-19 cases iti probinsia manipud Pebrero 25 agingga Marso 3 ket pito itan, bayat nga iti napan a lawas ket adda 12 kaskaso iti inaldaw.
Dagiti ili ken siudad iti umuna a distrito ti probinsia keta awan iti aktibo a kaskaso bayat nga iti maikadua a distrito ket addaan ti pito nga aktibo a kaskaso, pito iti maikatlo a distrito, walo iti maikapat, siam iti maikalima, ken uppat iti maikanem a distrito.
Nairekord ti Pangasinan iti agdagup 42,972 kaskaso ti COVID-19 bayat nga addan nangato nga high recovery rate iti probinsia nga 41,609 kaskaso iti immimbag, 1,330 iti natay, ken 33 aktibo a kaskaso agingga Marso 3.
Iti dagup a bilang iti kaskaso, 22,484 ket babbai ken 20,488 ket lallaki. Iti grupo ti edad nag addaan ti kangatuan a bilang ti kaskaso iti probinsia ket inggat’ 66 a tawen ken nangatngato, ken agtawen iti 30 agingga 34 a tawen.
Umuna iti Dagupan City nga addaan kangatuan a bilang ti kaskaso, sinaruno ti San Carlos City, ili ti Malasiqui ken Calasiao, ken Urdaneta City.
Iti nabiit pay nga interbiu ti telepono, pinalagipan ni Pangasinan PHO chief Dr. Anna Ma. Teresa de Guzman dagiti Pangasinenses a kaskasdi a sumurot kadagiti health protocols iti tengnga iti ibababa ti bilang iti aktibo a kaskaso ken nababbaba nga Alert Level status ti probinsia.
Impasidong ti The Inter-Agency Task Force for the Management of Emerging Infectious Diseases (IATF-EID) iti probinsia iti Alert Level 1 manipud Marso 1 agingga 15. Nangipaulog ni Pangasinan Governor Amado Espino III, in Executive Order (EO) No. 15 idi Pebrero 28 a kinunana nga amin a pribado nga opisina ken lugar ti trabaho, kasta met dagiti ahensia ken dagiti araramaten iti gobierno, ket mabalin nga agoperate iti full 100-percent capacity, maitunos iti bilin ti nasional maipapan iti panakasapulan iti panagbakuna para iti “on-site” a panagtrabaho.
“However, face masks shall still be worn properly at all times, except when eating and drinking in the team or individual sports in venues where ventilation standards can be maintained, and in outdoor sports or exercise activities where physical distance can be maintained (Nupay kasta, kaskasdi a nasken a siuumiso nga aramaten iti face mask iti amin a panawen, malaksid no mangan ken uminom iti team wenno indibidual a sport kadagiti lugar a sadino nga iti ventilation standards ket mabalin a mataginayon, ken iti outdoor sports wenno exercise nga aktibidades no sadino a mabalin a mataginayon iti pisikal a kaadayo),” kunana iti EO. Iti curfew ti intero a probinsia itan ket manipud tengnga iti rabii agingga alas kuatro ti parbangon.
(HA-PNA Ilocos/PMCJr.-ABN)