3 PUIs ti nCoV iti Rehion 1 nainget a mapalpaliiw

February 10, 2020 Headlines

SIUDAD TI SAN FERNANDO, La Union – Kinumpirma iti hepe ti maysa nga ospital ti gobierno iti La Union idi Mierkoles nga dagiti tallo nga tao nga naibilang a kas Patient under Investigation (PUI) ti 2019 Novel Coronavirus (2019-nCoV) iti Region 1 ket naawat iti pasilidadda.
Daytoy ti imbaga ni Dr. Eduardo Badua, medical center chief ti Ilocos Training and Regional Medical Center (ITMRC) daytoy a siudad bayat iti Special Meeting iti Regional Disaster Risk Reduction and Management Council Region 1 at EM Royale Hotel in San Juan town.
”Dagitoy a pasiente ket naawat iti sidong ti panangaywanmi ken nainget nga mapalpaliiw,” kuna ni Badua.
Kinunana nga dagiti PUIs ket Chinese nationals nga addaan edad manipud 1 tawen, 6 ken 11 tawen manipud Shanghai, China.
Sipud idi naawat dagiti pasiente iti ospital idi Enero 26, impasigurado ni Badua nga naikabilda iti maysa nga isolation room tapno maagasan nga awan sabali a staff iti makastrek malaksid kadagiti doctor nga magtamtameng.
Mapalpaliiw met dagiti nagannak ken naipasidong iti medical a proseso. Maysa pay, imbutaktakna nga naaddan umuna a check up dagiti pasiente iti maysa nga ospital idiay Agoo sakbayda nga naiyakar sadiay ITRMC nga natingitingda nga addaanda iti kaasping ti trangkaso a sintomas ti nCoV kas panateng, uyek ken gurigor.
Iti panawen ti panakaawatda, kinuna ni Dr. Badua nga sumaysayaaten ti kasasaad ti salun-at dagiti tallo nga ubing ken asymptomatic wenno awan makitan a sintomas.
Kaskasdi, impasigurado iti center chief nga itultuloyda nga paliiwen dagiti PUIs ken mangipaayda iti umiso a panangimaton iti kaso.
Para iti biangna, impanamnama ni Department of Health (DOH-1) Regional Director Valeriano Lopez iti publiko nga idi Pebrero 5, awan iti nakumpirma a kaskaso iti 2019-nCoV iti rehion bayat ti panagur-uray iti confirmatory tests dagiti PUIs manipud Research Institute for Tropical Medicine.
Pinalagipan met iti regional director iti umili nga agtalinaed nga natalna, liklikan nga mangiwaras iti saan a nakompirma nga impormasion ken agpannuray laeng iti opisial a sasao manipud DOH. Kasta met, mabalakadan iti amin nga aramiden iti panagannad a pamay-an.
 
JTQ-PIA1/PMCJr.-ABN