33 barangay ti Ilocos magunggonaan iti BDP projects inton umay a tawen

October 2, 2021 Headlines

SIUDAD TI BAGUIO – Agdagup 33 barangay ti Region ti Ilocos iti umuna a paset ti 1,406 barangay iti intero a pagilian nga magunggonaan manipud kadagiti programa ken proyekto iti sidong ti Barangay Development Program (BDP) inton umay a tawen.
Iti maysa a virtual forum idi Mierkoles, Setiembre 22 nga indanguluan ti Philippine information Agency-Ilocos Region, kinuna ni National Security Council Undersecretary Vicente Agdamag nga iti 27 barangay ket manipud Ilocos Sur, ken dua a barangay tunggal maysa manipud Ilocos Norte, La Union, ken Pangasinan.
“Last year, these barangays were not included in the beneficiaries but they were already validated from 2016 to 2018,” kunana.
Dagiti barangay a naipasidong iti BDP ket nawayaan manipud pangta iti communist terrosists a Communist Party of the Philippines–New People’s Army–National Democratic Front (CPP-NPA-NDF).
“It took long validation by the police, army, and the Department of the Interior and Local Government,” kuna ni Agdamag. Dagiti maipaayan a barangay ket makaawat tunggal maysa iti PhP20 milion a gatad ti socioeconomic development projects agturong ti probision iti farm-to market roads, health centers, electrification, water and sanitation facilities, schools, ken livelihood projects, innayonna.
“It (BDP) has (made) a huge contribution to the peace and development effort. After they were given (projects), almost significantly, what was left of the influence of CPP-NPA was gone,” kuna ni Agdamag.
Ti BDP ket iti flagship project ti National Task Force to End Local Communist Armed Conflict (NTF-ELCAC), nga isu ti “whole-of-nation approach” tapno maparmek iti local communist terrorist group ken magun-od iti napaut ken mangsaklaw a kapia iti intero a Pilipinas.
Idi Disiembre 2018, improklamar ni Presidente Rodrigo Roa Duterte iti Executive Order 70 tapno maitunos dagiti instrumento ti pannakabalin ti gobierno kadagiti pannakabael iti private sector stakeholders nga mangibus iti 50 a tawen ti panangallilaw, kinaulbod, ken kinaranggas nga inaramid iti komunista a terorista kontra kadagiti imili a Filipino.
Iti CPP-NPA ket nailista kas maysa a terorista nga organisasion ti Estados Unidos, ti European Union, ti United Kingdom, Australia, Canada, New Zealand, ken ti Philippines. Kabayatanna, iti NDF ket pormal a tinukoy kas maysa a terorista nga organisasion iti Anti- Terrorism Council.
(HA-PNA/PMCJr.-ABN)